The Definitive Guide to Living in the Capital , Cairo , Egypt

رنا شرف

الصورة الرئيسية: Creative Headline

لو بتجهزي للعيد وعاوزة تطلعي بأحلى لوك، فمش بس الهدوم هي اللي بتفرق، لكن الشنطة كمان بتكمل أي طلة وبتديها لمسة أنيقة. وعشان كده، جمعنالك 5 براندات في القاهرة بتقدم شنط بجودة عالية وتصاميم عصرية تناسب كل الأذواق والمناسبات. اختاري اللي يعجبك وكمّلي أناقتك!

1. باكسي
من أشهر البراندات المصرية اللي بتقدم شنط جلد بجودة عالية جدًا، غير إنه عنده كمان شوزات ومحافظ بنفس التميز. خاماته متينة وتصميماته شيك وعصرية، وده بيخليه خيار مثالي لو بتدوري على حاجة تعيش معاكي فترة طويلة. صحيح أسعاره تعتبر في الفئة العالية، لكن الجودة والتفاصيل الفخمة تستاهل كل جنيه.
اعرفوا أكثر عنهم من هنا.

2. ديجافو
لو بتحبي الحاجات اللي ليها ستايل مختلف وعصري، يبقى ديجافو هو اختيارك المثالي! البراند ده مش بس معروف في مصر، لكنه كمان واخد شهرة كبيرة في دول عربية زي الإمارات. بيقدم عروض باستمرار على شنطه وشوزاته، فممكن تلاقي حاجة تناسب ميزانيتك بسهولة. تصاميمه شبابية وأنيقة، وبتناسب مختلف الإطلالات من الكاجوال للرسمي.
اعرفوا أكثر عنهم من هنا.

3. أسيل
أسيل من البراندات اللي بتوازن بين الجودة العالية والسعر المناسب، وده اللي بيخليه من الخيارات المثالية لو بتدوري على شنطة شيك وعملية من غير ما تصرفي كتير. البراند عنده فروع كتيرة في مصر، وتصاميمه متنوعة وبتناسب كل الأذواق، سواء كنتِ بتحبي الشنط الكلاسيك أو الكاجوال.
اعرفوا أكثر عنهم من هنا.

4. جيلتر
لو بتحبي الشنط اللي ليها روح مبهجة ومليانة تفاصيل أنثوية، جيلتر هيكون اختيار مثالي ليكي. البراند بيتميز بتقديم تصاميم شبابية مرحة وأنيقة في نفس الوقت، غير إن أسعاره مناسبة جدًا لجودته العالية. عنده تشكيلات متنوعة تناسب كل المناسبات، سواء خروجات صباحية أو سهرات مسائية.
اعرفوا أكثر عنهم من هنا.

5. أبل
أبل من البراندات المصرية اللي قدرت تثبت نفسها في عالم الجلود، وده بفضل تصاميمه الراقية وجودته الممتازة. البراند بيقدم شنط جلدية بستايلات مختلفة تناسب كل الأذواق، سواء كنتِ بتحبي الطابع الكلاسيكي أو العصري. أسعاره تعتبر في الفئة المتوسطة، لكنه بيقدم قيمة عالية مقابل السعر.
اعرفوا أكثر عنهم من هنا.

دلوقتي بقى القرار في إيدك! أي شنطة عجبتك أكتر؟