سناك صحي ولذيذ.. تشتري منين فواكه مجففة بجودة عالية في القاهرة؟
أماكن بيع فواكه مجففة في القاهرة فوائد الفواكه المجففة فواكه مجففة محلا بيع فواكه مجففة
Cairo 360
رنا شرف
الصورة الرئيسية: Hasmik Ghazaryan Olson
الفواكه المجففة سناك صحي ولذيذ، بتمد الجسم بكمية رائعة من المعادن، ومضادات الأكسدة، والأحماض الدهنية، والبروتينات، والفيتامينات اللي ممكن نقصها يؤثر على كثير من وظائف الجسم، وبعضها بيكون غني بحمض أوميجا 3 المهم لصحة القلب والجهاز الهضمي.
لكن تشتري منين أفضل فواكه مجففة في القاهرة؟ الإجابة على السؤال ده هتلاقيها في السطور الجاية.
أفضل أماكن في القاهرة لبيع الفواكه المجففة:
أبوعوف
من أشهر الأماكن اللي بتوفر فواكه مجففة بجودة عالية، وهتلاقوا عندهم أغلب أنواع الفواكه المجففة الحلوة زي التين والبطيخ والمشمش والقراصيا.
أبوعوف موجود في أماكن كتير في القاهرة، وعندهم خدمة توصيل في خلال ساعتين.
تواصلوا معاهم على رقم: 19969.
رياحين
مكان مميز بيوفر أغلب أنواع الفواكه المجففة، وجودة منتجاتهم عالية، وأسعارهم معقولة. المكان مشهور بالبطيخ المجفف والأناناس.
تواصلوا معاهم على رقم: 15675.
الرفاعي
مين فينا مايعرفش الرفاعي ملك المكسرات. الفواكه المجففة عندهم مميزة، وأكيد هتحبوا من عندهم الأفوكادو المجفف اللي بيميز المكان.
تواصلوا معاهم على رقم: 01275555195.
فستق حلب
فستق حلب من الأماكن الحلوة اللي أثبتت نفسها في القاهرة، وهو أقرب لسوبر ماركت كبير موجود في مصر الجديدة والرحاب وأماكن تانية، وعندهم أغلب أنواع الفواكه المجففة بجودة عالية وأسعار معقولة.
تواصلوا معاهم على رقم: 01117333922.
سفرة شامية
المكان موجود في مدينتي، وبيعمل فواكه مجففة مميزة جدًا، وعندهم كل الأنواع تقريبًا. لازم تجرب من عندهم المشمش والقراصيا.
تواصلوا معاهم على رقم: 01212666639.
