The Definitive Guide to Living in the Capital , Cairo , Egypt

حلول وأفكار الإضاءة المبتكرة تعتبر من الطرق السهلة لتزيين أى بيت فى مصر. مع مشهد التسوق القاهرى اللى دائمًا فى تطور، تقدر تلاقى مستلزمات منزلية معاصرة، لكن فى نفس الوقت بـ تكون غالية جدًا. وسط منطقة سكانية كبيرة، ريلايت شكله مميز فى شارع فريد سميكة بمنطقة هليوبوليس، بيافطة مطلية من الكروم وشباك عرض فى الدورالأول ملفت، ومن هنا قدرت وحدات الإضاءة اللامعة تشدنا ندخل المكان.

فى طريقنا وسط الدور الأرضى، رحب بنا موظف بالمحل، ومشى معانا وسط صالة العرض الهادئة تماماً. كون نصف أضواء المكان كانوا مقفولين وقت زيارتنا، صالة العرض كان شكلها مهمل جدًا وغير مجهزة لاستقبال الزبائن.

رغم أن اسم المحل يوحى أن كل شغله مخصص للإضاءة، ريلايت فى الحقيقة عنده مستلزمات منزلية أكثر من كده؛ معروض كنب، ترابيزات قهوة، مرايات، حليات وديكورات لتزيين الترابيزة.

من ناحية الإضاءة، تقريبًا كل التصميمات الشيك المعاصرة موجودة هناك، من مصابيح ثابتة وأباجورات، لغاية مصابيح للحائط ونجف مبهر. أباجورة لطيفة لها قاعدة مقوسة سعرها 2100 جنيه، أما مصباح زجاجى مكعب، مع شكل تانى كلاسيكى أكثر قاعدته عبارة عن مرايا سعرهم 2500 جنيه. إضاءة بسيطة للحائط سعرها كان يوصل 250 جنيه، ونجفة كبيرة مبهرة كانت قيمتها 14,500 جنيه. لاحظنا كمان مصباح سقف ذهبى فى أبيض، مصمم من المعدن.

متوفر كنب ركنة بمجموعة من الأقمشة المختلفة؛ كنبة من الجلد السمنى سعرها كان 23,500 جنيه، أما موديل من القماش المخملى المضلع لونه رمادى كان سعره 18,500 جنيه. كراسى مودرن بمخادع جلد وكراسى استرخاء برضه متوفرين، جزء منهم بنفس الشكل بحيث يمشى مع الطقم، أما الباقى فـ يعتبروا قطع مميزة.

ترابيزة أكل شيك سطحها من البلاط الصخرى كان سعرها 7500 جنيه، وكمان مساند لأدوات الأكل شكلها روعة كان سعرها خرافى يوصل 320 للواحدة. ترابيزة جذابة جانبها عبارة عن مرآة سعرها كان 5700 جنيه، ووحدة تليفزيون بيضاء بزجاج متحرك سعرها 10,500 جنيه. تماثيل جذابة لسيدات تصلح لتزيين الترابيزة كان سعرهم فى حدود 2000 جنيه، وحصان ألومنيوم سعره 4000 جنيه. مرآة سوداء مربعة مرصعة بقطع ألماس تقليد (5400 جنيه) تتوافق مع بعض أدوات الإضاءة اللامعة.

ريلايت بـ يقدم أثاث واكسسوارات منزلية متميزة وماشية مع الموضة، لكن إحباطنا كان سببه إننا من جديد بـ نشوف معروضات جميلة فى القاهرة أسعارها غالية.