The Definitive Guide to Living in the Capital , Cairo , Egypt

في الفترة الأخيرة كثرت أماكن بيع وتنسيق الزهور وبقوا بـ يتنافسوا في أكثر الأشكال الأنيقة والمبهرة اللى تناسب المناسبات وفي نفس الوقت بأسعار لطيفة.

وما بين المحلات المحترفة اللي بـ ترضى عملائها بأجود الخدمات والأسعار وما بين المحلات اللي ممكن تكون في بداية طريقها وما وصلتش للاحتراف، كنا لازم نختار أحسنهم اللي قدروا يوفقوا ما بين الجمال والأناقة والذوق الرفيع والأسعار المعقولة ودي أصعب تجميعة لمحلات تنسيق الورود وبيعها.

الفائزين بجوائز اختيارات المحررين لعام 2015 لأفضل أماكن بيع الورد وتنسيقها:

أوتسايد إن – OutSide In: 

بعد انتشار موضة الورد الصناعي اللي تقريبًا كان موجود على كل ترابيزة سفرة في بيت مصري في الثمانينات، وكل الأجيال الجديدة عندها فكرة سلبية عن الورد الصناعي، أوتسايد إن بـ يقدم مفهوم مختلف تمامًا بمجموعة كبيرة من الورود الصناعية المطابقة للحقيقية، وكمان معطرة.

فلاور باور – Flower Power:

من الأماكن اللي بـ تتعامل مع أكبر الفنادق الموجودة في مصر، وبالتالي أعمالهم على طول معروضة على الطبيعة في معظم حفلات ومناسبات القاهرة.

خضرة – Khadra:

مكان لمحبي هواية تنسيق الحدائق، لأنهم بـ يبيعوا كل ما يتعلق بالهواية دي؛ من أول الأشجار والأعشاب، حتى الفاكهة والخضروات. 

تاتش أوف فلاور – Touch of Flower:

مش مجرد مكان لبيع الزهور، المحل في الأساس بـ ينظم الحفلات بشكل كامل؛ من أول الزهور والإضاءة والديكورات وحتى الدي جي.

فلورينجي – Fleurinjy:

مجموعة كبيرة ومتنوعة من الاختيارات اللي بـ يعرضها فلورينجي، واللي هـ تناسب أي مكان أو مناسبة.

بيليسيمو – Bellissimo:

من أول الشموع العطرية بأنواعها المختلفة -واللي مش سهل أنك تلاقيها في مصر-  والزهور، لغاية تنظيم الحفلات والمناسبات المختلفة، بيليسيمو بـ يقدم مجموعة متنوعة من الاختيارات اللي تناسب أي مناسبة أو حدث محتاج تنظيم.