The Definitive Guide to Living in the Capital , Cairo , Egypt

وسط عالم التسوق القاهري، كنا دائمًا بـ نشوف محلات زي "باث أند بودي وركس" و"بودي شوب" هم المسيطرين على سوق مستحضرات التجميل، والاسم المصري الوحيد المنافس لهم كان "نفرتاري".

دلوقت، وصل اسم محلّي جديد هو "بودي بيكس – Body Bakes"، بـ يقدم نفسه كاسم جديد في عالم المنتجات الصحّية والطبيعية، المميز للماركة دي عن باقي السوق أن كل منتجاتها خالية من كبريتات لوريث الصوديوم، وهي مادة كيميائية بـ تستخدم في كل أنواع الصابون والشامبوهات، وهي اللي بـ تعمل رغوة، رغم أنها في الحقيقة بـ تسبب الحساسية، وقوع الشعر والالتهابات الجلدية.

لما تعدّي على الكشك الصغير الموجود في سيتي ستارز، هـ تفهم سبب تسميته بودي بيكس؛ رائحة المكان تشبه الحلويات المخبوزة، وكمان المنتجات مختلفة عن الصابون وكريمات الجسم التقليدية، الفكرة أن بـ يدخل في تكوينهم الفاكهة الموجودة في مطبخنا، وأكثر حاجة مثيرة فيهم كانت السكّر.

الكشك يميزه الألوان المبهجة وطريقة عرض المنتجات بحيث تقدري تتفرجي على المجموعة كلها بسهولة، لاحظنا مجموعة لطيفة من المنتجات منها صابون كب كيك (50 جنيه)، مزيل عرق باور باف (45 جنيه)، صابون سائل ريحان (30 جنيه)، ملطّف للشفاه (50 جنيه) وبينا كولادا شوجار فروست (70 جنيه).

كل المنتجات تقريبًا بـ يدخل فيها زيت اللوز، والمعروف بأنه ملطف ومغذي للبشرة، والمفاجأة كمان كانت أن صابون الكب كيك رائحته فعلاً زي الكب كيك؛ أنت بجد بـ تغسل أيدك بأكل له خصائص مطهّرة، رائحة اليد بعد غسلها هـ تكون فعلاً كأنها كيك لسه خارج من الفرن، لكن الفكرة أن حجم الصابونة مش متناسب مع سعرها الغالي.

بعد كده جاء الدور على مزيل عرق باور باف، وهو مزيل عرق بودرة في علبة صفيح دائرية، تجربتنا مع البودرة كانت فوضوية نوعًا ما ومافيش طريقة استخدام واضحة، وهـ تحتاجي قطعة قطن لاستخدامه، عمومًا، مزيل العرق نفسه بـ يكون نفس السبراي أو البلية الدوارة اللي إحنا متعودين عليهم، كمان قوامه الخفيف مناسب لاستخدامه تحت الإبط لامتصاص العرق.

الصابون السائل بالريحان عبارة عن سائل لغسل اليد يتميز بأنه منعش للبشرة، منظف ورائحته تشبه الريحان الطازج، ملطف الشفاة كمان معبأ في علبة صغيرة بحيث تستخدميه بأصابعك. صحيح كان طري ودهني، لكن مزيّت شوية.

منتجنا المفضل كان بينا كولادا شوجار فروست، وهو عبارة عن منظف طبيعي للجسم فيه سكر مخلوط بزيت اللوز، أول ما أيدك تدخل في البرطمان، هـ تشعري بحبيبات السكر بين أصابعك، أحيانًا السكر بـ يعتبر بديل طبيعي وفعّال لتنظيف البشرة الحسّاسة، السكّر المتجمد قدر يرطب بشرتنا وتكون رائحتها جميلة، والرائحة دي فضلت موجودة كذا ساعة.

منتجات "بودي بيكس" الفريدة أكيد هـ تخلينا نرجع في زيارة ثانية، حتى لو علشان الابتكارات بس؛ الفكرة هنا أن الأسعار غالية شوية، لكل الناس اللي بـ تدور على حلول طبيعية للعناية بالبشرة، لازم تجرب بودي بيكس؛ لكن مع إغراء منتجاتهم –وهي فعلاً مغرية– اوعى تنسي وتجربي تأكليها.