The Definitive Guide to Living in the Capital , Cairo , Egypt

زمان كان بسكويت وكحك العيد بيتعمل في البيوت وكان طعمه فيه روح بتخليه مش زي أي مكان برهـ، وده لأنه كان بيبقى معمول بكل حب وسعادة وكمان علشان كان بيجمع العيلة بكل الأعمار علشان يشاركوا في “خبيز العيد”، ودايمًا بنحن للطعم البيتي لكل منتجات العيد، وعلشان كده دورنا وسألنا علشان نقولكم على 3 أماكن تقدروا تشتروا منها كحك العيد بطعم البيوت، الطعم بتاع جدتنا زمان.

نغم

حلويات نغم عندها مجموعة كبيرة من الحلويات من ضمنها منتجات العيد، وعندها سعر كيلو الكحك والبسكويت 170 جنيه، والقرص والقراقيش سعر الكيلو 145 جنيه، والغريبة سعر الكيلو منها 150 جنيه، والسابليه 220 جنيه والبيتي فور 225 جنيه.

تقدروا تعرفوا أكتر عنها خلال صفحة الفيسبوك من هنا.

باظظ خالص

مارينا صلاح لها قصة كفاح كبيرة بداية من أنها بدأت تتعلم الحلويات بعد الزواج لحد ما بقت خبيرة وبتقدم أحلى حلويات بيتي، وبتبيعها من خلال جروبها “باظظ خالص”، وعندها أسعار البسكويت تبدأ من 330 جنيه للكيلو، وكيلو الكحك 340 جنيه، والغريبة 350 جنيه،والبيتي فور يبدأ من سعر 350 جنيه، أما العلبة المشكل العادية فسعرها 420 جنيه، وعلبة مشكل باظظ خالص سعرها 460 جنيه.

تقدروا تعرفوا أكتر عنها من خلال صفحة الفيسبوك من هنا.

حلويات ماما

كل الحلويات بتتعمل بحب من ملك ومامتها واللي بيقدموا تجربة مميزة في منتجات العيد، وعندهم سعر كيلو البكسويت 300 جنيه، والكحك يبدأ من 340 جنيه وفيه منه 6 أنواع مختلفة، والسابليه سعره 340 جنيه، والبيتي فور سعر الكيلو 350 جنيه، أما الغريبة فسعر الكيلو 360 جنيه، وعندهم علبة مشكل العيد سعرها 360 جنيه.

تقدروا تعرفوا أكتر عنهم خلال صفحة الفيسبوك من هنا.

لسه هنشوف وندور ونعرف مين بيعمل كحك العيد بيتي علشان نقولكم عليهم، ومتنسوش لو عندكم حد جربتوه وعجبكم ابعتولنا علشان نكتب عنه.