The Definitive Guide to Living in the Capital , Cairo , Egypt

المصريين من زمان وهما بيعشقوا المناسبات المبهجة، ودايمًا بيشاركوها بحب وسعادة بتبين طيبتهم وحبهم للحياة. ومن ضمن المناسبات دي أعياد الميلاد والسنة الجديدة 2025، اللي القاهرة بتتزين فيها بشكل يخطف الأنظار، خصوصًا في المولات اللي بتنافس كل سنة علشان تبهر زوارها وتخلق أجواء مليانة بهجة. علشان كده، جبنالكم دليل بأفضل 5 مولات لازم تزوروها في الفترة دي علشان تعيشوا تجربة تصوير وسط زينة الكريسماس اللي مش هتتنسي.

كايرو فيستيفال سيتي

من أكتر الأماكن اللي بتبدع في زينة أعياد الميلاد والسنة الجديدة، بخبرة تخليهم دايمًا في الصدارة. المول فيه كمان مجموعة محلات بتقدم تخفيضات وهدايا ما تتفوتش.
العنوان: الطريق الدائري – القاهرة الجديدة

أركان بلازا

لو بتخططوا تزوروا أركان، لازم تحجزوا مكانكم بدري علشان الزحمة هناك بتبقى رهيبة وقت الأعياد! الديكورات بتاعتهم مش بس مبهرة، لكن كمان بيعملوا حفلات بأشهر الباندات.
العنوان: الشيخ زايد – الجيزة

مول مصر

المول مشهور بزينة أعياد الميلاد الرهيبة، وكمان الأنشطة اللي بتخليك تعيش أجواء العيد. وما تنسوش عروض التزحلق على الجليد اللي بتكون في الفترة دي. أهم حاجة تاخدوا معاكم حد بيعرف يصور صور متتعوضش!
العنوان: طريق الواحات – 6 أكتوبر

ألماظة سيتي سنتر

المول ده جديد لكنه بيقدم زينة أعياد الميلاد بشكل مختلف كل سنة. التصوير وسط الأجواء هناك فرصة مش هتكرر غير مرة واحدة في السنة، فلازم تجربوها!
العنوان: مطار ألماظة – شيراتون

ووتر واي

المكان ده حرفيًا “فنتاستيك”! كل سنة بيتفوقوا على نفسهم في ديكورات وزينة الكريسماس. لو ما رحتوش، هيفوتكم كتير جدًا!
العنوان: شارع التسعين – التجمع الخامس

زوروا الأماكن دي واستمتعوا بأجواء أعياد الميلاد زي ما المصريين بيعرفوا يعملوها، ببساطة وحب للحياة!