5 أماكن في القاهرة عندهم أحلى بسبوسة وكنافة
أفضل أماكن بيع البسبوسة أفضل أماكن بيع الكنافة بسبوسة رمضان حلو في رمضان حلويات رمضان كنافة رمضان
Mohamed Talaat
الحلويات الشرقية من أساسيات السفرة المصرية في رمضان، ودايمًا بعد الفطار التحلية لازم تكون موجودة وأشهر أنواع التحلية الكنافة واللي ظهرت لأول مرة في عهد معاوية بن أبي سفيان وهي حلوى شامية في الأصل.
كمان البسبوسة اللي قصتها التاريخية تؤكد أنها معمولة بحب وكانت مرتبطة برجل وزوجته لما كانت بتعمل أكل جديد في المطبخ وطلبت منه يطلع بره فقالها “بس بوسة” ومن هنا جه اسم البسبوسة.
في السطور الجاية هنقول لكم على 5 أماكن لبيع الحلويات الشرقية بشكل عام، والكنافة والبسبوسة بشكل خاص.
الحلمية
حلواني الحلمية من أفضل أماكن الحلويات في القاهرة، ومميز جدًا في صناعة الحلويات الشرقية اللي بيستخدم فيها خامات بجودة عالية، وهما عندهم فروع كتير وتقدروا تطلبوا منهم دليفري أو من خلال الفروع.
وعلشان تعرفوا أكتر عنهم زوروا صفحتهم على فيسبوك من هنا.
بيستاشيو
من أول الأماكن اللي عملت التسوق الأونلاين للحلويات في مصر، وبيقدموا مجموعة حلويات فخمة وممتازة، والبسبوسة والكنافة عندهم طعمها عالمي، وهم متاحين أونلاين فقط مافيش فروع، والتوصيل عندهم فيه صعوبة شوية فيفضل تطلبوا بدري.
تقدروا تعرفوا أكتر عنهم زوروا صفحتهم على فيسبوك من هنا.
عبد الرحيم قويدر
المفروض قبل اسمه يتحط كلمة “ملك” لأنه بابا الحلويات بجد، وبيعمل حلويات شرقية مميزة، وأي حلويات بقى وخصوصًا البسبوسة والكنافة حطوا عليها القشطة بتاعته المشهورة.
تقدروا تعرفوا أكتر عنهم من خلال صفحة الفيسبوك من هنا.
الدمياطي
من الأماكن اللي قدرت تثبت نفسها في سوق الحلويات الشرقية وعنده أنواع واختراعات كل رمضان، وطبعًا الكنافة والبسبوسة من أهم ما يتميز بيه، وزي ما بيقولوا “كل رمضان.. حكاية”.
تقدروا تعرفوا أكثر عنهم من خلال صفحة الفيسبوك من هنا.
زينوبا
من البراندات اللي القلوب تحبها مجرد ما تجربها، عندهم جودة وكواليتي عالي في المنتجات وأهمها الحلويات الشرقية، والكنافة والبسبوسة بيحلوا رمضان.
تقدروا تعرفوا أكتر عنهم من خلال صفحة الفيسبوك من هنا.
مقترح
فن وثقافة
مزاهر والزار: فن شعبي بيطلع الطاقة السلبية ويرجعك للزمن الجميل
أماكن الزار في القاهرة زار +3
فن وثقافة
