مي فاروق وتامر عاشور وعلي الهلباوي ونجوم أكثر.. دليلك لويك إند فني في القاهرة
تامر عاشور خروجات الويك إند علي الهلباوي مسرحية فارس يكشف المستور مهرجان الموسيقى العربية مي فاروق
Cairo 360
الويك إند وصل! ومع التقلبات الجوية الحالية بننصحكم لما تخرجوا بالليل يكون معاكم جاكيت خفيف علشان الجو بالليل جميل وفيه سقعة وحشتنا وكنا مفتقدينها، وبما أن الجو منعش وجميل فبالتالي الويك إند الأسبوع ده مميز ومختلف، هيكون فيه مسرح ومغنى وعروض فنية وثقافية هنعرفكم عليها خلال السطور الجاية.
الخميس 24 أكتوبر 2024
الفنانة مي فاروق هتحيى الحفل الختامي لمهرجان الموسيقى العربية على مسرح النافورة في دار الأوبرا المصرية بتذاكر بتبدأ من 500 جنيه.. تفاصيل أكتر من هنا.
لمحبي الأعمال الفنية المميزة تقدروا تستمتعوا بأعمال الفنان وجيه يسي في معرض “ضي القمر” بأوديسي آرت جاليري مجانًا..التفاصيل من هنا.
اعرفوا تاريخ الأهرامات وأبو الهول في عرض الصوت والضوء المميز بأكثر من لغة بأسعار بتبدأ من 60 جنيه حتى 1150 جنيه.. التفاصيل من هنا.
الجمعة 25 أكتوبر 2024
“قل للمليحة بالخمار الأسودِ” هيشدوا بيها الفنان علي الهلباوي مع أغاني أكثر في حفلته داخل ساقية الصاوي بتذكرة سعرها 120 جنيه.. التفاصيل من هنا.
الفنان تامر عاشور هيحتل مسرح فاميلي بارك علشان يمتع جمهوره بأجمل أغانيه وسعر التذاكر يبدأ من 407 جنيه.. التفاصيل من هنا.
عيد ميلاد مشروع أندروميدا الفني هيكون في ساقية الصاوي بتحفة فنية مختلفة وسعر التذكرة 200 جنيه.. التفاصيل من هنا.
السبت 26 أكتوبر 2024
مايفوتكمش مشاهدة مسرحية “فارس يكشف المستور” للنجم محمد صبحي، واللي هيقدمها على مسرح مدينة سنبل بتذاكر بتبدأ من 200 جنيه.. التفاصيل من هنا.
استمتعوا بحفل لفريق “كوكب” و”كود مصر” في ساقية عبد المنعم الصاوي بتذكرة سعرها 200 جنيه.. التفاصيل من هنا.
لو حابين تشاركوا في متعة مختلفة اتفرجوا على فيلم “ستموت في العشرين” بسينما زاوية بتذكرة سعرها 30 جنيه.. التفاصيل من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
