كانت في الأصل مقلب قمامة.. 10 معلومات عن حديقة الأزهر بالقاهرة
أفضل حديقة الأزهر بارك حدائق القاهرة خروجات القاهرة خروجة عائلية
Mohamed Talaat
حديقة الأزهر من أهم أماكن الخروجات لكل الأفراد والأعمار، ويمكن ده لأن مساحتها ضخمة، وفيها وسائل ترفيه متنوعة، ونقدر نقول عليها “متنزه السعادة لكل الأسرة”، ده غير كمان إنها أمان وتذكرتها مش غالية، علشان كده في الموضوع ده هنقول لكم على 10 معلومات عن حديقة الأزهر اللي موجودة في صلاح سالم.
1- سعر تذكرة الدخول للحديقة 40 جنيه للكبار و30 جنيه للأطفال، وبتشتغل من 9 صباحًا حتى 10 مساءً.
2- مساحتها 82 فدان، وخرجت للنور عام 2005 وده بعد ما كان مكانها “مقلب قمامة”.
3- تحتوي الحديقة على مساحات واسعة من الخضرة وبيتوسطها نافورة بتصميم أندلسي فريد وفيها ممشى النخيل مميز.
4- الحديقة فيها مطاعم وكافيهات ترضي كل الفئات، وكمان فيها مسرح، وبوابات مميزة أهمهم الباب المحروق وباب البرقية.
5- حديقة الأزهر فيها مزارع مختلفة، والجامعة الأمريكية لها مشروع مزرعة لتكاثر النباتات فيها جاري العمل فيه.
6- كمان داخل الحديقة هتلاقوا أندر وأغرب النباتات في العالم.
7- تكلفة بناء الحديقة سنة 2005 كانت 100 مليون جنيه، وأخدت 7 سنين للتنفيذ.
8- الحديقة فيها منطقة ألعاب مخصصة للأطفال.
9- حديقة الأزهر ممنوع فيها دخول الأكل والشرب والعجل والكرة.
10- اكتشفوا أثناء بناء الحديقة السور الأيوبي، نسبة لصلاح الدين الأيوبي، وهو عبارة عن جدار كبير بعمق 15 متر وتم تطويره ليصبح من المعالم المهمة، وكمان اكتشفوا أحجار فرعونية منقوش عليها باللغة الهيروغليفية.
