The Definitive Guide to Living in the Capital , Cairo , Egypt

لو كنتم بتفضلوا السفر بالقطارات بين محافظات مصر المختلفة، فيه أخبار مهمة علشانكم أعلن عنها مؤخرًا المهندس مصطفى أبوالمكارم، رئيس هيئة السكك الحديدية، واللي كشف إن 2021 شهد انتهاء وجود عربات سكة حديد قديمة، ومن 2022 مش هيكون فيه أي عربات قطار قديمة في قطارات مصر.. تعالوا نتعرف على أبرز 5 أخبار يخصوا سكك حديد مصر في 2022.

1 – رئيس هيئة السكك الحديدية أكد أنه تم تطوير كل القطارات والورش وخلافه؛ لرفع درجة الأمان لخط سير القطارات، وتحسين الخدمة للراكب على كافة المستويات، وزيادة طاقة الخطوط، وكشف أن عدد العربات الجديدة والمطورة وصل لحوالي 3400 عربية، وأن عملية التجديد مستمرة لكل عناصر المنظومة.

2 – بتهدف السكة الحديد في 2022 لخدمة أكثر من 1.1 مليون راكب.

3 – في منتصف 2022 هيتم الانتهاء من 80% من إشارات 4 خطوط رئيسية منها خط القاهرة إسكندرية، والقاهرة أسوان، وتركيب الإشارات دي بيساعد على اختصار زمن الرحلة.

4 – في 2022 هيستمر الدعم المُقدم للركاب، وبحسب “أبو المكارم” سعر تذكرة القطار في الخطوط الطويلة بتكون أقل من سعر الأتوبيس، وفي الخطوط القصيرة بتكون أقل من سعر الباص، ووضح إن الزيادة اللي حصلت مؤخرًا مابتغطيش قيمة سعر التذكرة بالكامل، والدولة لسة بتتحمل جزء من الدعم.

5 – في الأسبوع الأول من 2022، هيتم تشغيل قطر درجة ثالثة مكيف (القطار الهدية) بـ 125 جنيه، وده خط سيره القاهرة – أسوان (900 كيلو)، والهدف منه تقديم خدمة مميزة للمواطنين بسعر معقول.

رحلة سعيدة يا عشاق السفر بالقطار!