فيها باندا وبطريق وديناصور.. معلومات عن المدينة العلمية الاستكشافية في أكتوبر
المجموعة الشمسية المدينة العلمية المدينة العلمية الاستكشافية ديناصورات طيور عنوان المدينة العلمية الاستكشافية مجسمات
Mohamed Talaat
لو أنتم من هواة تاريخ الأرض ومحبين للكائنات الحية، يبقى لازم تزوروا المدينة العلمية الاستكشافية في مدينة 6 أكتوبر، واللي هتلاقوا فيها كائنات حية منقرضة من ملايين السنين، وكمان هتتعرفوا هناك على مراحل تطور العلوم والتكنولوجيا في كل المجالات.
المدينة فيها كمان نماذج لحيوانات مختلفة زي وحيد القرن، التمساح الهندي، الباندا، الديناصورات، الكنغر، الذئب، الدب القطبي، البطريق، والفقمة، ده غير الشلالات والحيوانات الحقيقية والسلالات النادرة من الطيور.
وعلشان تتعرفوا أكتر عن المدينة العلمية الإسكتشافية هنقولكم على 7 معلومات مهمة عنها.
1- فيها محكى للحضارات والمباني هناك مصممة على شكل مركبات فضائية.
2- المدينة العلمية فيها نماذج لجامع وكنيسة ومعبد الكرنك ومتحف فضاء ومكوك فضائي والمجموعة الشمسية ومتحف العلوم.
3- هتلاقوا في المدينة مجسم لروبورت على بوابة متحف الفضاء، وبدلة رائد فضاء كأنها حقيقية.
4- كمان هتلاقوا مجسم لجسم الإنسان واللي بيشرح تكوين أعضاء الجسد، زي القلب والعين والفم، وغيرهم.
5- المتحف الجيولوجي في المدينة العلمية الاستكشافية مصمم من الداخل على هيئة كهف طبيعي، وفيه صخور ومعادن، وجواه ديناصور بطول 3 أدوار ومجموعة من الحيوانات المنقرضة وإنسان الغاب.
6- فيه قسم مخصص للأحياء المائية، وتقدروا هناك تتمشوا على ممر وتتعرفوا على كل أنواع الأسماك المميزة، وماتنسوش تشوفوا نماذج أسماك القرش.
7 – مساحة المدينة 30 ألف متر، وهي مناسبة للكبار والأطفال.
وأخيرًا..
المدينة العلمية الإستكشافية بتشتغل يوميًا من 9 الصبح ولحد الساعة 2:30 الظهر، ما عدا الجمعة والسبت، وسعر التذكرة 75 جنيه والأطفال فوق سن 4 سنين تذكرة كاملة.
العنوان: مدينة 6 أكتوبر، أمام مدخل مول مصر.
رقم التليفون: 01063269216 – 01029703376
صفحة الفيسبوك من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
