ضمن الاستعدادت لأمم أفريقيا .. دورات مياه جديدة في محيط استاد القاهرة
استاد القاهرة دورات مياه كأس الأمم الأفريقية
Omar Abd-elmaqsoud
لو رجليك خدتك في مشوار سواء قاصد أو بالصدفة في اتجاه محيط ستاد القاهرة، فأول حاجة هتلاحظها إن المكان اتغير بنسبة كبيرة جداً، وبقى أكتر نظافة وتنظيم واهتمام، وده بشكل أساسي أحد الترتيبات والاستعدادات لكأس الأمم الأفريقية اللي هتقام على أرض مصر خلال الشهر الحالي، واللي تعتبر الحدث الرياضي الأهم في أفريقيا.
وخلال جولة كايرو 360 في المنطقة، لفت نظرنا وجود حوالي 5 دورات مياه في أكتر من مكان في محيط الاستاد، وواضح إنها جديدة ومعمولة بشكل جذاب ونظيف، ومنظرها مش مؤذي للعين خالص، ده غير إنها يتخدم بشكل مجاني على مدار اليوم، من الساعة 8 صباحًا ولحد الساعة 12 بالليل، ومرفق مع كل دورة مياه كافتيريا لتقديم المشرويات الساخنة والباردة.
المهندس “إبراهيم صابر” نائب محافظ القاهرة، كان أعلن عن الانتهاء فعليًا من تركيب دورات المياه المجانية في محيط استاد القاهرة، كنوع من الاستعداد لخدمة الوفود الأفريقية اللي هتزور مصر خلال أحداث البطولة اللي صفارة البداية بتاعتها هتضرب يوم 21 الجاي، وعلشان تظهر مصر بمظهر حضاري يتناسب مع الحدث الكبير ده.
مقترح
أفلام
لسهرة هالوين ماتتنسيش.. 10 أعمال أجنبية وعربية مرعبة
افلام افلام تشوفها في الهالوين +6
الحياة في كايرو
