The Definitive Guide to Living in the Capital , Cairo , Egypt

رنا شرف

كل سنة وأنتم طيبين، عيد سعيد يا أهل القاهرة! والفترة دي معروفة بالأفراح والخطوبات والخروجات والمناسبات السعيدة، وأكيد أغلب البنات بتكون عاوزة لوك جديد علشان تبقي مميزة وحلوة الفترة دي.. علشان كده هنقول لكم على مراكز تجميل مميزة في القاهرة، سعرهم معقول وجودتهم مضمونة.

محمد الصغير.. كوافير المشاهير

اسم معروف في القاهرة، خصوصًا بين عالم المشاهير والنجمات، وبما إنك أنت كمان نجمة بنرشحلك المكان ده علشان تروحي تعملي لوك جميل هناك، الأسعار ممكن البعض يشوفها عالية شوية بس النتيجة النهائية بتكون مميزة فعلًا.

تركيب الأظافر بيكون سعره حوالي 250 جنيه، وتركيب الرموش 700 جنيه، وباكدج العروسة كامل سعره 15 ألف جنيه، وده شامل كل تجهيزات العروسة.

الصغير له فروع كتير، منها في الزمالك ووسط البلد والقطامية وجاردن سيتي.

عادل المصري.. هيخليكي ملكة جمال

اسم معروف هو كمان، خصوصًا في السنوات الأخيرة. المكان مميز والأسعار معقولة، تركيب الأظافر هناك سعره 800 جنيه، وتنظيف البشرة بـ 250 جنيه، وتركيب الرموش بـ 700 جنيه.

عادل المصري موجود في حدائق الأهرام.

محمد جبر.. أحلى ألوان شعر

كل بنت أو عروسة بتدور علي لوك يخطف العين وتبقي مميزة، وده اللي بيوفره ليكي كوافير شاطر وفاهم إزاى يطلعك حلوة. ومحمد جبر من مراكز الجمال المميزة في القاهرة، خصوصًا في صبغات الشعر المميزة والجميلة واللي بتبدأ اسعارها من 900 جنيه، أما تركيب الرموش وتركيب الأظافر فبيبدأ من 200 جنيه وبيوصل لحد 450 جنيه.

ربيع مراد ولوك مختلف

من الأسامي المشهورة كمان، واللي برضه ممكن تعملي عنده نيولوك جامد. تركيب الأظافر بـ 350 جنيه، وتركيب الرموش بـ 300 جنيه، والصبغة بتبدأ من 900 جنيه، وباكيدج العروسة عندهم بيختلف من باكيدج للتاني.

ربيع مراد له فروع كتير، منها في الشيخ زايد, مصر الجديدة, مدينتي, والمهندسين.

وأخيرًا..

خليكي فاكرة إن الجمال الداخلي هو الأهم، وإنك جميلة في كل الحالات.