The Definitive Guide to Living in the Capital , Cairo , Egypt

الجلوس على مائدة الأكل له قواعد وآداب محددة. معروفة باسم “إتيكيت الجلوس على مائدة الطعام”. يلا نتعرف عليها بالتفصيل:

أولًا- قبل الجلوس على المائدة:

1- المفروض مانعملش دوشة وربكة قبل الجلوس. ومانقاطعش طريق حد متجه لكرسي معين.

2- لو كانت الدعوة في بيت حد من الأصدقاء أو القرايب، لازم الضيف يستنى يتحددله المكان اللي هيقعد فيه.

3- لازم الأكل ينتقل للفم، لكن الفم مايقربش من طبق الأكل.

4- مانحطش المرفق على المائدة، علشان مانضايقش اللي جنبنا. والإيد تكون جنب الجسم.

ثانيًا – إتيكيت استعمال أدوات المائدة الفضة:

1- عدم الإشارة بأى قطعة من الأدوات خلال الأكل.

2- مانعملش ضجة بالأدوات وإحنا بنقطع الأكل أو بنغرف.

3- نستعمل القطع المحطوطة في أقصى اليمين أو الشمال. وبعدين اللي وراها بالترتيب لجوة.

4- لو في شوكة وسكينة، بتكون الشوكة في الشمال والسكينة في اليمين. وممكن بعد تقطيع الأكل ننقل الشوكة لليمين.

5- مانستعملش السكينة أبدًا في الأكل مباشرة. إنما ممكن نسند بيها الأكل على الشوكة.

ثالثًا – إتيكيت الكلام حول المائدة:

1- ممنوع الكلام أثناء وجود الأكل في الفم.

2- عدم الإنفراد بالحديث. الكلام على الأكل لازم يكون مشاركة بين الكل.

3- الكلام بصوت معتدل، من غير زعيق جامد أو صوت واطي.

4- لو أسرة متجمعة يفضل الكلام عن أحداث اليوم لكل واحد. بلاش الكلام في مشاكل.