“ديسكو مصر” و”كونكت فور” و”فؤاد ومنيب” وأكثر.. ويك إند سعيد على إيقاع “طبلة الست”
اجندة كايرو 360 تروح فين في الويك اند حفلات الأوبرا حفلات الساقية حفلات في القاهرة حفلات في الويك إند خروجات في القاهرة فعاليات اجازة نهاية الاسبوع
Cairo 360
الصيف بدأ يودعنا ولا إيه! ولو مالحقتش تستمتع بحفلات وسهرات صيف القاهرة الفنية، عندك فرصة تعوض، وماتقلقش إحنا في كايرو 360 هنعرفك أبرز الحفلات والفعاليات الثقافية والفنية اللي هتستضيفها عاصمتنا المصرية وهتقدر تلحق تنبسط بالفن في خروجة رايقة في آخر ليالي الصيفية… يلا بينا نلحق ننبسط!
الخميس 26 سبتمبر 2024
لكل محبي أغاني الفلكور المصري، هتقدروا تحضروا لحفلة فرقة “طبلة الست” في ساقية الصاوي..والتفاصيل كاملة هنا.
لو حابب تسمع موسيقى سحرها وجمالها قادر يأخذك لعالم تاني، يبقى لازم تحضر حفل “فؤاد ومنيب” في ساقية الصاوي.. والتفاصيل كاملة هنا.
تقدروا كمان تستمتعوا بسهرة مميزة مع أجمل أغاني أم كلثوم، بصوت مروة ناجي ضمن مهرجان “هي الفنون”، في الجامعة الأمريكية بالتحرير.. والتفاصيل هنا.
ليلة جديدة من ليالي العصابة وسهرة مليانة مغامرات كوميدية تقدر تحضرها مع تيم Comedy Gang في رووم آرت سبيس..والتفاصيل كاملة هنا.
الجمعة 27 سبتمبر 2024
أما عشاق الحضارة المصرية والمغرمين بها، فعندهم فرصة لحجز مكان في عرض الصوت والضوء عند الأهرامات واللي هيعرفكم أكثر على مصر وتاريخها.. والتفاصيل كاملة هنا.
وهتقدروا تغنوا وتهيصوا مع ملوك الديسكو “ديسكو مصر” في كايرو جاز كلوب.. والتفاصيل كاملة هنا.
وماتفوتوش فرصة حضور الفيلم المميز واللي حصل على جوائز عالمية “ستموت في العشرين” في سينما زاوية.. والتفاصيل كاملة هنا.
السبت 28 سبتمبر 2024
ولو حابب تستمتع بكوميديا محمد صبحي، هتقدر تعمل ده لما تحضر مسرحيته “فارس يكشف المستور” على مسرح مدينة سنبل.. والتفاصيل كلها هنا.
وكمان دار الأوبرا هستضيف حفل مميز لأوركسترا القاهرة السيمفوني.. والتفاصيل كلها هنا.
وتقدروا كمان تحضروا العرض الكوميدي لكونكت فور في الساقية.. والتفاصيل كلها هنا.
وكل اللي بيحبوا الفن والإبداع هيقدروا يحضروا صالون القاهرة في دورته الـ60 في قصر الفنون.. والتفاصيل هنا.
وأخيرًا..
بنتمنى لكم ويك إند سعيد، وماتنسوش تعرفوا كل اللي هيحصل في القاهرة من فعاليات وأنشطة وأكثر من أجندة كايرو 360 هنا.
مقترح
فن وثقافة
شبابيك بتطل على القاهرة.. مشروع فني لتوثيق ملامح العاصمة وقت الغروب
Frames of Cairo القاهرة +4
الحياة في كايرو
