Cairo 360
مايبقاش ويك إند صح، لو مفيش حفلات وسهرات في كل حتة في كايرو. تعالو نشوف الأسبوع ده هنقضيها إزاي وفين:
نبدأ النهارده الخميس، بحفلة للفنانة “أمال ماهر” في مركز المنارة للمؤتمرات، بمناسبة إصدار ألبومها الجديد. الحفلة هتبدأ الساعة 7:30 مساءً.
أجمل التواشيح الصوفية هنسمعها من فرقة “الحضرة” في الربع. الحفلة هتبدأ الساعة 7 مساءً. وسعر التذكرة: 60 جنيه.
أجمل أغاني الجاز اللي قدمتها الفنانة “بيلي هوليداي“، هتقدمها سارة مولبلاد ورامي عطاالله وأندر سيجون، في رووم آرت سبيس. الحفلة هتبدأ الساعة 9 مساءً.
نخش على يوم الجمعة، بحفلة مميزة للسوبر ستار “إليسا” في هيلتو هليوبوليس. الحفلة هتبدأ الساعة 9 مساءً. وسعر التذكرة بيبدأ من 700 جنيه.
فريق “سكون” هيكون في رووم آرت سبيس، بيقدم حفلة غنائية بتجمع بين الروك، الجاز، الفانك والموسيقى الشرقية. الحفلة هتبدأ الساعة 9 مساءً.
أغاني فرانك سيناترا هتسمعوها في درب 1718، من فريق “السيناتراس“. الحفلة هتبدأ الساعة 8 مساءً. وسعر التذكرة: 75 جنيه.
كل عشاق المسرح، ميعادهم مع مسرحية “الأيام“، اللي هيقدمها فريق “الاستديو” على مسرح الهوسابير، على مدار 3 أيام. العرض هيبدأ الساعة 4 عصرًا.
ونروح بقى ليوم السبت، اللي هنسمع فيه أحلى أغاني “حجازي متقال“، على مسرح الحكمة في ساقية الصاوي. الحفلة هتبدأ الساعة 7:30 مساءً.
لو أنت غاوي كتب وقراءة، هتقدر تستمتع بمهرجان “سور الأزبكية” للكتب. اللي فيه تخفيضات بتوصل لـ 70%. وده من 9 صباحًا لحد 11 مساءً.
مزيكا الإلكترو هنسمعها مع “يوسف أبو زيد” في رووم آرت سبيس. الحفلة هتبدأ الساعة 9 مساءً. وسعر التذكرة: 75 جنيه.
كل ده وحفلات تانية أكتر هتلاقوها في أجندة كايرو 360 من هنا.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
