دليل كايرو 360 لأفضل 5 أماكن لدراسة تصميم الأزياء في القاهرة
Rehab Abd El Nasser
تصميم الأزياء من المجالات الممتعة والجذابة، وإذا كنت بـ تفكر تدخل المجال ده أول خطوة هي اختيار مكان تتعلم فيه أساسيات فن تصميم الأزياء، الخطوة دي ممكن تكون محيرة لأن في الفترة الأخيرة ظهرت أماكن كثير في مصر بـ تعطي كورسات وورش عمل في مجال الأزياء منها الكويس ومنها السيء اللي بـ يوصل لدرجة النصب على الطلاب.
النهارده كايرو 360 هـ تعرفكم على أفضل الأماكن اللي بـ تقدم كورسات على مستوى جيد في مجال تصميم الأزياء علشان تساعدك في اختيار المكان المناسب سواء كنت ناوي تتخصص في المجال أو تدرسه كهواية.
المعهد الفني للموضة ITM
العنوان: شارع الكوثر – طريق كرداسة – كوبري البكارى – ترعة المريوطية – الهرم
تليفون: 0237454355
لو عندك الوقت الكافي وعاوز تدرس تصميم الأزياء بشكل أكاديمي وجاد فالمعهد الفني للموضة Institut Technique De La Moda في المريوطية بـ يوفر لك ده من خلال دبلومة مدتها 3 سنوات دراسية، المعهد بـ يقدم لك اختيارين للتخصص وهما تصميم الأزياء أو الخياطة والتفصيل، وخلال مدة الدراسة بـ تتعلم كل ما يخص المجال اللي اختارته بشكل تفصيلي وعميق، الدراسة هناك زي الدراسة الجامعية وهـ يكون عندك جدول محاضرات ممكن يوصل لخمسة أيام في الأسبوع وبالتالي الموضوع محتاج تفرغ إلى حد كبير.
المعهد ده من تأسيس وزارة التعليم العالي المصرية بالتعاون مع شامبر سينديكال الفرنسيةLa Chamber Syndicale De La Couture Parissiene وبالتالي شهادته معتمدة من الوزارة ومعترف بها من المدرسة الفرنسية اللي ساهمت في إقامته، ده غير أن كثير من الخريجين من المعهد ده بـ يبقوا بعد كده مدرسين في أماكن ثانية زي Career Gates وArt Square وده دليل على جودة التدريس في المكان.
مصاريف الدراسة في ITM حوالي 9 آلاف جنيه في السنة وعلى الرغم أن المبلغ ده مش قليل إلا أنه يعتبر من أرخص الأماكن اللي بـ تقدم مستوى تعليمي كويس في مجال الأزياء في مصر.
Career Gates
العنوان: 13 شارع المساحة – الدقي
تليفون: 0233367846 – 0233367844 – 16672 – 01120002100
Career Gates هو مركز التدريب الخاص بجامعة MSA المعروفة، والمكان بـ يقدم كورسات ودبلومات في مجالات متعددة منها التصوير والديكور وإدارة الأعمال وطبعًا تصميم الأزياء. في Career Gates تقدروا تدرسوا كورسات قصيرة متخصصة في رسم الأزياء، الباترون والتفصيل أو التشكيل على المانيكان ومدة الكورسات دي بـ تبقى بين شهرين لـ 6 شهور حسب المنهج والتخصص، تقدروا كمان تاخدوا دبلومة كاملة في تصميم الأزياء بـ تشمل الرسم والتفصيل والتشكيل ودي مدتها 9 شهور وشهادتها معتمدة منMSA ومعترف بها في بعض الدول خارج مصر ومنها كندا، دبلومة الأزياء في Career Gates سعرها 12 es في بعض الدول خارج مصر ومنها كندا. ا معتمدة من ي بتبقى بين شهرين ل 6 شهور حسب المنهج والتخصص. جدًا. ى تأثيرات و دون ألف جنيه وفي بعض الأحيان بـ يقدموا خصومات خاصة في أوقات معينة من السنة أو لو حجزت الكورس بدري.
Career Gates بـ يتعاقدوا مع مجموعة من المدرسين من أماكن مختلفة، يعني مش نفس الأشخاص هما اللي بـ يدرسوا لكل المجموعات وده بـ يخلي فيه اختلاف شوية في طرق الشرح والمناهج، لكن الحق يقال فيه من المدرسين هناك ناس فنانين فعلاً وعندهم خبرة رائعة.
وبالنسبة للإمكانيات المتاحة في Career Gates فهي معقولة جدًا لأن عندهم مجموعة قاعات تعليمية واسعة بالإضافة لاثنين ستوديو مجهزين للخياطة وممارسة الجزء العملي من دراسة الأزياء، وكمان هما لسه مجددين الستوديوهات بتاعتهم وجايبين مجموعة ماكينات خياطة جديدة نوعيتها جيدة جدًا، فلو أنت حابب تدرس أزياء هناك دلوقت وقت مناسب علشان تستفيد بالماكينات الجديدة، ولو الدقي بعيد بالنسبة لك Career Gates هيفتحوا فرع في مصر الجديدة قريب جدًا وتقدر تعرف التفاصيل من على الموقع بتاعهم أو صفحتهم على الفيسبوك.
مركز التصميمات والموضة – Fashion Design Center
العنوان: شارع الشركات من شارع رشدي – مبنى الشركة القابضة للنسيج
تليفون: 0223960375/6
مركز التصميمات والموضة أو FDC بـ يتميز عن باقي أماكن دراسة الأزياء بإمكانياته الكبيرة من ماكينات خياطة متعددة وضخمة على الرغم من أن المكان نفسه مش كبير، المركز ده هو واحد من المراكز التكنولوجية التابعة لوزارة التجارة والصناعة وتمت إقامته بالتعاون مع Istituto di Moda Burgo الإيطالية.
FDC بـ يقدم مجموعة متنوعة من كورسات الأزياء، منها كورسات قصيرة مدتها من شهر لـ 3 شهور ودي تقدر تدرس فيها أساسيات تصميم الأزياء أو الرسم ببرامج الكمبيوتر المتخصصة ومجموعة تخصصات ثانية، ده بالإضافة للدبلومات العادية اللي مدتها سنتين والمكثفة اللي مدتها سنة، الدبلومات دي ممكن تاخدها في تخصص تصميم الأزياء أو التفصيل والخياطة وتقدر تختار كمان الدبلومة المتكاملة اللي بـ تشمل التخصصين لكن دي عدد ساعات الدراسة فيها أكثر، ومن الكورسات المتميزة هناك كورس تصميم القماش والطباعة عليه لأن الكورس ده مش موجود في معظم الأماكن الثانية.
ومن الحاجات المهمة جدًا اللي بـ تميز FDC أنه بـ يساعد الطلاب بعد التخرج لأنه بـ يقدم خدمة تنفيذ عينات أو مجموعات أزياء للمصممين المبتدئين غير أن الإدارة بـ تحاول توفر للخريجين من المركز فرص عمل وتدريب جوه وبره مصر.
FDC أطلق ماركة ملابس خاصة به من فترة تحت اسم "ألاجة"، ودي بـ تقدم تصميمات ملابس غير تقليدية بـ يقوم بتصميمها مجموعة متميزة من خريجين المركز وبـ تعمل عروض أزياء داخل وخارج مصر.
الأكاديمية الإيطالية للموضة – Italian Fashion Academy
العنوان: 26 شارع يثرب – خلف سيلانترو نادي الصيد – الدقي
التليفون: 0237622638 – 01004607662
في الفترة الأخيرة Italian Fashion Academy بقيت من أشهر مدارس تعليم الأزياء في مصر والاختيار الأول للمشاهير زي زوجة تامر حسني مثلاً، الأكاديمية دي أسستها خبيرة الأزياء الإيطالية ستيفانيا جلينا، وهي بـ تدرس فيها بنفسها بالإضافة لمجموعة من الخبراء المصريين والأجانب.
Italian Fashion Academy بـ تقدم كورسات في كل ما يخص عالم الأزياء بداية من الرسم وأساسيات التصميم مرورًا بالتنفيذ والخياطة وحتى تسويق الأزياء وكيفية بناء علامتك التجارية وتحقيق النجاح في عالم البيزنس، الاختيارات اللي أمامك في الأكاديمية متعددة جدًا ومدة الكورسات بـ تبدأ من أسبوعين لحد سنتين وبالتالي أكيد هـ تلاقي منها اللي يناسب وقتك ومدى تفرغك، كمان هناك بـ يهتموا بعمل عروض أزياء لتصميمات الخريجين بتغطية إعلامية كبيرة.
على الرغم من أن Italian Fashion Academy ممكن تكون اختيار ممتاز لدراسة الأزياء فيما يخص المحتوى الدراسي لكن أسعارها ممكن تخليها اختيار صعب شوية لأنها بـ تبدأ من 8000 جنيه للكورسات اللي مدتها شهور وممكن توصل لـ 40 ألف جنيه للكورسات الطويلة، الأسعار دي ممكن تكون صدمة للي بـ يروح المكان لأول مرة خاصة أنه عبارة عن دور أرضي في عمارة لكن يمكن جودة التدريس والشهرة اللي إدارة الأكاديمية بـ تساعد الخريجين في الوصول لها تكون هي سبب ارتفاع الأسعار بالشكل ده.
زوروا صفحتهم على الفيسبوك لمزيد من المعلومات.
Art Square Academy
العنوان: 222 شارع الحجاز – هليوبوليس
التليفون: 01222383721
لو أنت حابب تدرس تصميم الأزياء كهواية أو تبدأ تتعرف على أساسيات المجال من غير ما تحتاج تتفرغ لهArt Square Academy مكان مناسب جدًا لأن الكورسات هناك قصيرة وبـ تحتاج تروح يوم أو اثنين في الأسبوع بس، وعلى الرغم من أنه مكان جديد مقارنة بالباقيين إلا أن Art Square حقق سمعة جيدة وإقبال كبير عليه مؤخرًا لأنهم بـ يهتموا بالتعاقد مع مدرسين متميزين وعندهم خبرة.
Art Square Academy بـ يقدم مجموعة كورسات كويسة في مجال الأزياء زي أساسيات التصميم والرسم والباترون والتشكيل على المانيكان، وبالإضافة لكورسات الأزياء المكان بـ يقدم كورسات متنوعة في مجال الفنون زي الديكور والرسم بالألوان الزيتية، أسعار الكورسات هناك بـ تكون بين 1000 لـ 3000 جنيه حسب عدد الساعات والمحتوى.
من مميزات Art Square كمان أنه بـ يقدم كورسات فنية للأطفال فممكن ترتب مواعيد كورسات لك/ لكي ولأولادك في نفس الوقت، اعرف أكثر من صفحتهم على الفيسبوك.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
