The Definitive Guide to Living in the Capital , Cairo , Egypt

الداي يوز اللي على حق ماحدش يقول له لأ، وده مطلوب كل فترة علشان نشحن طاقتنا ونخرج طاقتنا السلبية وكمان هو مهم للصحة النفسية وسط ضغوط الحياة، وعلشان كده هنكلمكم في السطور الجاية على مكان مميز تقدروا تقضوا فيه داي يوز على البيسين وتلعبوا وتركبوا خيل وتأكلوا الحيوانات كمان. خلال السطور الجاية هنقول لكم على كل اللي محتاجين تعرفوه عن منتجع “عند عمرو” اللي بيوفر باقات كتير هتناسب الأغلبية.

أولًا، المكان متخصص في الداي يوز بدون مبيت، ومناسب لكل الأعمار، والجميل عندهم هو المساحات الخضراء الكبيرة وكمان لو معاكم أطفال مش هتشيلوا هم، لأن هما موفرين لهم ألعاب خاصة.

وكمان عندهم حمام سباحة 110 متر مناسب للاسترخاء للكبار والعوم للأطفال، ده غير منطقة ألعاب للكبار “بلياردو – بينج بونج – إير هوكي – بيبي فوت”، وبيوفروا جيم علشان تقدروا تعلموا أي تمارين متعودين عليها، وأهم حاجة بالنسبة لينا هي ركوب الخيل والبوني.

“عند عمرو” بيقدم الداي يوز شامل وجبة أو وجبتين حسب الاختيار، وعندهم تذكرة بسعر 300 جنيه شاملة وجبة الإفطار والدخول، وتذكرة بسعر 500 جنيه شاملة الدخول ووجبة عشاء أو غداء، وتذكرة 530 جنيه تشمل على “وجبة – ركوب خيل – جيم – منطقة الألعاب – كيس أكل للحيوانات”.

أما التذكرة بسعر 750 جنيه فبتشمل “وجبتين – ركوب خيل – جيم – منطقة الألعاب – كيس أكل للحيوانات”، وتذكرة بـ600 جنيه تشمل على “وجبة – ركوب خيل – جيم – منطقة الألعاب – كيس أكل للحيوانات”، وتذكرة بسعر 800 جنيه تشمل على “وجبتين – ركوب خيل – جيم – منطقة الألعاب – كيس أكل للحيوانات”،

أما وجبات الأطفال فهي نوعين الأولى بسعر 265 جنيه وتشمل على “وجبة – ركوب خيل أو بوني – منطقة ألعاب الأطفال – كيس أكل حيوانات – زراعة في وعاء”، وتذكرة بسعر 375 جنيه فيها نفس التذكرة اللي بـ265 ولكن بيزيد عليها وجبة.

أكتر حاجة مش مفهومة هي أن كل التذاكر لا تشمل حمام السباحة اللي بيكون سعره لوحده 200 جنيه للكبار و100 جنيه للأطفال، وكمان ممنوع عندهم دخول الأكل والشرب نهائيًا، يعني اللي بيتبع حمية أو نوعية أكل مش موجودة عندهم مش مسموح لهم في الغالب يدخلوا أكل من بره.

“عند عمرو” بيشتغلوا يوميًا من 10 صباحًا حتى 11 مساءً، وبيكون الحجز قبلها من خلال رقم التليفون: 01121333374.

العنوان: الكيلو 52 طريق مصر إسكندرية الصحراوي أمام السليمانية، مخرج على بعد 10 دقائق من بوابات سوديك.

وتقدروا تعرفوا أكتر عنهم من خلال صفحة الفيسبوك من هنا.