The Definitive Guide to Living in the Capital , Cairo , Egypt

الصورة: ميلاد خيري زكي

معرض القاهرة الدولي للكتاب 2025، الدورة الـ56، راجع لنا بأجواءه المميزة في مركز مصر للمعارض الدولية في التجمع الخامس، من يوم 23 يناير لحد 5 فبراير. طبعًا مع الحدث الكبير ده، كل الناس بتدور على طريقة سهلة توصل بيها، وهنا بتيجي أهمية خريطة أتوبيسات النقل العام المخصصة للمعرض.

تفاصيل خطوط الأتوبيسات
هيئة النقل العام موفرة خطوط كتير تغطي مناطق القاهرة الكبرى كلها. الخطوط دي مصممة عشان تخلي رحلتك للمعرض مريحة وسريعة بأقل تكلفة.

– الخط الأول: عبدالمنعم رياض – رمسيس – العباسية – جامعة الأزهر – محور المشير – معرض الكتاب.
– الخط الثاني: دوران شبرا – أحمد حلمي – رمسيس – العباسية – نادي السكة – جامعة الأزهر – محور المشير – معرض الكتاب.
– الخط الثالث: النزهة الجديدة – ميدان الحجاز – السبع عمارات – مكرم عبيد – مصطفى النحاس – الوفاء والأمل – معرض الكتاب.
– الخط الرابع: الأميرية – ميدان المطرية – الحلمية – كلية البنات – ميدان الشهيد هشام بركات – الحي السابع – حي السفارات – معرض الكتاب.
– الخط الخامس: ميدان الجيزة – جامعة القاهرة – القصر العيني – السيدة عائشة – الأتوستراد – جامعة الأزهر – معرض الكتاب.
– الخط السادس: صقر قريش – كارفور المعادي – نادي وادي دجلة – الطريق الدائري – محور المشير – معرض الكتاب.
– الخط السابع: المظلات – سراي القبة – روكسي – السبع عمارات – الحي الثامن – الوفاء والأمل – محور المشير – معرض الكتاب.

مواعيد التشغيل
الأتوبيسات شغالة يوميًا من 8 الصبح لحد انتهاء الفعاليات، يعني متاحة طول اليوم عشان تختار الوقت الأنسب ليك.

نصائح لرحلتك للمعرض
– استخدم تطبيقات خرائط النقل العام عشان تحدد أقرب خط ليك.
– احرص تكون في الموقف قبل معاد الباص بدقايق عشان متضيعش وقتك.
– استغل الرحلة في إنك تخطط جولتك داخل المعرض.