حفلات لـ”أنغام” و”عبد الباسط حمودة” و”لينا شاماميان” وأكثر.. يا أهلًا بالويك إند!
حفلات في القاهرة حفلة انغام حفلة عبد الباسط حمودة حفلة كاريوكي خروجات في اجازة نهاية الاسبوع خروجات في القاهرة فن تشكيلي في القاهرة مهراجات فنية
Cairo 360
خلاص الويك إند داخل علينا، بعد أسبوع عمل أو دراسة نتمنى أنه كان لطيف وخفيف على قلوبكم، وعلشان مهمتنا الأساسية في كايرو 360 إنكم تنبسطوا بحياتكم في القاهرة، هنعرفكم على أفضل الحفلات والمعارض الفنية والعروض.. يلا نعرفكم هتنبسطوا فين في العاصمة المصرية في الويك إند!
الخميس 10 أكتوبر 2024
لو بتحب حفلات الإنشاد الديني، يبقى مهم تحضر حفل الإخوة أبو شعر في ساقية الصاوي، اللي هيخليك تطلع للمساء السابعة من جمال الأناشيد.. والتفاصيل كلها هنا.
طرب أصلي شبه حارات المصريين ومناطقهم الشعبية الجميلة، علشان كدة بنحب حكمدار الأغنية الشعبية عبد الباسط حمودة! واللي هيقدم حفل هيولع الدنيا في Tiki.. والتفاصيل كلها هنا.
وفي تياترو أركان، فرقة بهجة هتحتفل بعيدها الثاني وهتقدم حفل لكل أغاني للفنان الراحل شكوكو.. والتفاصيل كلها هنا.
تقدروا كمان تظهروا مواهبكم في الغناء في حفلة كايروكي في رووم آرت سبيس.. والتفاصيل كلها هنا.
لكل عشاق adele استمتعوا بأغانيها مع فرقة درامرز جامدة، في رووم آرت سبيس.. والتفاصيل هنا.
الجمعة 11 أكتوبر 2024
والخبر الحلو هنا، إن مهرجان الموسيقى العربية رجع في نسخة جديدة، وأول حفلاته هيقدمها لطفي بوشناق وليناشاماميان ومدحت صالح.. والتفاصيل كلها هنا.
وكمان أنغام هتقدم حفل مميز في المتحف المصري الكبير علشان الكل يستمتع بجمال صوتها.. والتفاصيل كلها هنا.
ويا عشاق الحضارة المصرية والمغرمين بيها، احجزوا مكانكم في عرض الصوت والضوء علشان تعرفوا أكتر عن مصر وتاريخها.. التفاصيل كلها هنا.
واوعوا يفوتكم حفل كايروكي في زيد إيست.. والتفاصيل كلها هنا.
السبت 12 أكتوبر 2024
لو فاتك حجز يوم الجمعة في حفل أنغام، ماتقلقش! هتقدر تحضر حفلها الإضافي واللي هيكون يوم السبت برضه.. والتفاصيل كلها هنا.
ولكل عشاق الفن التشكيلي،تقدروا تستمتعوا بالأعمال الفنية المُميزة للفنان وجيه يسى في المعرض الفردي “ضي القمر” في أوديسي آرت جاليري. الدخول مجانًا.. لتفاصيل أكتر اضغط هنا.
واستمتعوا بحفل فرقة التخت العربي للموسيقى والغناء على مسرح الجمهورية ضمن برنامج مهرجان الموسيقى العربية.. لتفاصيل أكتر هنـا.
مقترح
معالم وسياحة
ركن فاروق بحلوان.. حكاية استراحة ملكية شتوية على شكل قارب
تاريخ استراحة فاروق بحلوان ركن فاروق +3
الحياة في كايرو
