بالتفاصيل: السعر الجديد لتذكرة مترو القاهرة في 2018
Cairo 360
أخبار كتير بتتردد مؤخرًا عن زيادة هتحصل في أسعار تذكرة مترو الأنفاق، يا ترى إيه الحقيقة، وهل الأخبار دي مفبركة ولا فعلًا فيه زيادة هتحصل قريب في تذكرة المترو؟ للأسف المتحدث باسم وزارة النقل أكد إن فعلاً تذكرة المترو هتزيد من شهر يوليو 2018.
والزيادة دي هتكون كالتالي: لو عدد المحطات اللي هتركبهم مش هيزيد عن تسعة هتدفع 2 جنيه بس، أما لو عدد محطاتك أقل من 18 محطة وأكتر من 9 محطات فهتدفع 4 جنيه، ولو زاد العدد عن 18 محطة هتدفع خمسة جنيه.
طيب وبالنسبة للاشتراكات اللي بتتعمل للطلاب والموظفين؟ لحد اللحظة دي الوزارة ماحددتش قيمة الاشتراكات، لكن الأكيد هيكون فيه تخفيض، وقيمته هتتحدد قريب.
طيب ليه إدار المترو قررت تزود التذكرة؟ بحسب كلامهم إن المترو بيخسر وعلشان كده مضطرين يزودوا سعر التذكرة.
جدير بالذكر إن الحكومة رفعت سعر التذكرة في مارس اللي فات، بعد خسائر وصلت لـ 500 مليون جنيه على حد تعبيرهم، والخسائر دي عرضت شبكة المترو للخطر.
يا ترى الناس ساعتها هيركبوا المترو؟ ولا هيشوفوا حلول بديلة؟
