الحياة في كايرو
النهارده في القاهرة: ميكس فن.. مع طبلة وأفلام وكمان موال
بواسطة
Cairo 360
لما بنزهق من الروتين وتعب كل يوم، طبيعي نغير المود بخروجة أو سهرة حلوة. وده للي هنعرفه من أجندة كايرو 360 المعتادة:
جرامافون في المعادي هيكون فيها حفلة “دايرة الطبول“. الحفلة هتكون مع المدرب إسلام رفيق، وفيها هتتعلم كل حاجة عن الطبلة. وبيوفروا لك طبلة لو مش معاك. الحفلة هتبدأ الساعة 8 مساء. وسعر التذكرة: 40 جنيه.
بعد نجاحه في سينما زاوية، سينما الزمالك هتعرض فيلم “صيف تجريبي“. والفيلم بيدور عن محمود وزينب، اللي بيدوروا على نسخة أصلية لفيلم مصري، اتعمل في الثمانينات. والمشاكل اللي بتقابلهم. العرض هيبدأ الساعة 7 مساءً. وبعده في حلقة نقاش بحضور مخرج الفيلم.
الموال أو المغنى البلدي، له وضع خاص لجمهور الفن الشعبي. رضا وجمالات شيحة هيقدموا أغاني الموال في مكان. الحفلة هتبدأ الساعة 8 مساءً. وسعر التذكرة: 40 جنيه.
انبسطوا.
