النهارده في القاهرة: “شباك مكسور” على مسرح الطليعة و”The Hustle” في سينما الزمالك
The Hustle درب 1718 رووم آرت سبيس زي عود الكبريت ستروبيري سوينج سينما الزمالك شباك مكسور كولد بلاي مسرح الطليعة
Cairo 360
بداية أسبوع جديد.. ومش هيحلى غير بأجندة كايرو 360 أكيد.. تعالوا نشوف القاهرة فيها إيه النهارده:
النهاردة الساعة 9 بالليل ولحد يوم 14 يوليو ممكن تحضرو العرض المسرحي المميز “شباك مكسور” في موسم جديد علي مسرح الطليعة. سعر التذكرة: 30 جنيه.
ضمن برنامج “سينما الفرن” اللي بيقدمه درب 1718، المكان هيعرض فيلم “زي عود الكبريت” من تأليف وإخراج “حسين الإمام”. الفيلم عبارة عن كولاج سينيمائي من 5 أفلام مصرية قديمة، هدفه تقديم التحية لنجوم السينما المصرية في عصورها الذهبية. سعر التذكرة : 30 جنيه. العرض هيبدا الساعة 8.
الساعة 8 معادنا في “رووم آرت سبيس – التجمع” وحفلة من أغاني “كولد بلاي” مع ” Strawberry Swing” باند، واللي تعتبر أول باند تلعب أغاني “كولد بلاي” في الشرق الأوسط. سعر التذكرة: 100 جنيه.
سينما الزمالك هتقدم عرض خاص للفيلم الأمريكي الكوميدي”The Hustle“.. سعر التذاكر في الصالة: 75 جنيه والبالكون: 100 جنيه. العرض هيبدأ الساعة 7.
لسه في عروض أكتر وأحداث أكتر في ليل القاهرة المليان مفاجآت، ممكن تعرفوها وتتابعوها كل يوم في أجندتنا من هنا.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
