النهارده في القاهرة: الموسيقى هتاخدك لعالم تاني مع رباعي تود ماركوس للجاز
Cairo 360
أهو الواحد ممكن يستحمل أي حاجة تحصل في يومه، سواء في الشغل أو المواصلات أو البيت. لو عرف بس إنه آخر اليوم هيقضي سهرة لطيفة، في أي حفلة تغير موده. وهو ده الدور السحري اللي بتقدمه أجندة كايرو 360. يلا نعرف الجديد:
مساحة رووم في الزمالك هتستضيف النهاردة رباعي “تود ماركوس” للجاز. “ماركوس” بيقدم عروضه مع مجموعة موسيقية صغيرة في بالتيمور بالولايات المتحدة. وهو من فنانين الجاز القليلين حول العالم، اللي بيعتمدوا على آلة الباص كلارنيت بشكل أساسي. الحفلة هتبدأ الساعة 9 مساءً. وسعر التذكرة: 50 جنيه.
سينما دال في جاردن سيتي، هتعرض الفيلم الصيني “2046”. اللي بيدور عن كاتب صحفي بيستقر في فندق سيء السمعة في هونج كونج. على أمل إنه ينسى حبيبته. وبيبدأ يكتب روايات خيالية عن مدينة في المستقبل بتحمل اسم 2046. العرض هيبدأ الساعة 7:30 مساءً، والدخول مجانًا.
فريق “الجيل الصاعد”، بقيادة الفنانة إيمان سليمان، هيقدم حفلة غنائية على مسرح الحكمة في ساقية الصاوي. الحفلة هتبدأ الساعة 7 مساءً. سعر التذكرة: 15 – 20 جنيه.
أما مركز دوار بوسط البلد، هيعرض الفيلم الوثائقي “The White Helmets”. الفيلم بيتكلم عن مجموعات المتطوعين في أماكن القصف في سوريا، وإزاي بيضحوا بنفسهم علشان ينقذوا الناس المحاصرين. العرض هيبدأ الساعة 7 مساءً، والدخول مجانًا.
سهرة سعيدة.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
