The Definitive Guide to Living in the Capital , Cairo , Egypt

يلا نعرف الجديد في خروجات وسهرات القاهرة النهارده الاثنين، من أجندة كايرو 360:

بلكون هليوبوليس في مصر الجديدة، هتعرض فيلم “Nocturnal Animals”. الفيلم اترشح لجايزة الأوسكار لأفضل ممثل مساعد، وبيدور عن واحدة غنية عندها معرض فني، وبتطاردها أحداث مرعبة، من رواية خيالية لزوجها السابق. العرض هيبدأ الساعة 8 مساءً. وسعر التذكرة: 25 جنيه.

عرض تنورة ورقص صوفي، هتقدمه فرقة التنورة التراثية في وكالة الغوري. الحفلة هتبدأ الساعة 7:30 مساءً. وسعر التذكرة: 5 جنيه.

على مسرح الحكمة في ساقية الصاوي، فرقة العباسية هتقدم العرض المسرحي “وشوش فاشوش”. المسرحية بتدور عن 3 خرجوا من مستشفى العباسية، علشان يدوروا على وشوشهم. العرض هيبدأ الساعة 6 مساءً. وسعر التذكرة: 15 – 20 جنيه.

أما سينما مجنوليا في الزمالك، هتعرض فيلم “The Master”. الفيلم بيدور عن بروفيسور عبقري بيبشر بدين جديد، بين الجنود العائدين من الحرب العالمية الثانية. والمشاكل اللي بيواجهها بين مؤيدين ومعارضين. العرض هيبدأ الساعة 7 مساءً. والدخول مجانًا.

انبسطوا.