النهارده في القاهرة: أحلى الأفلام وعروض المسرح والأغاني
Cairo 360
صباح الفل عليكم في كل حتة في القاهرة. كله مستعد لأسبوع جديد من الشغل، وإحنا بقى مستعدين لأسبوع جديد من الخروجات. تعالوا نعرف أهم الخروجات النهارده في القاهرة من أجندة كايرو 360:
مركز سيماتك للأفلام في وسط البلد، هيعرض فيلم “Upstream Color“. الفيلم بيدور في إطار من الخيال العلمي، عن راجل وست مش بيكبروا في السن. وده بيحطهم في أحداث ومشاكل مختلفة. العرض هيبدأ الساعة 7 مساءً. وسعر التذكرة: 15 جنيه.
سينما زاوية في وسط البلد هتعرض فيلم “إحنا المصريين الأرمن“. اللي بيدور عن جيل من الأرمن اللي جم مصر سنة 1915، وعاشوا واندمجوا بين المصريين. العرض هيبدأ الساعة 7:30 مساءً. وسعرالتذكرة: 35 جنيه.
على مسرح الهوسابير هيكون ميعادنا مع عرض “برة وجوة“. العرض هيكون متنوع ما بين مسرحيات، وأغاني إنجليزي وعربي، وراب. العرض هيبدأ الساعة 6:30 مساء. وسعر التذكرة: 20 جنيه.
سهرة سعيدة.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
