الفيل الأزرق.. تجربة فنية مميزة على مسرح الجمهورية
Cairo 360
الأسبوع بيجري مننا وفجأة بنلاقي نفسنا دخلنا على الويك إند. الظاهر أجندة كايرو 360 لها مفعول السحر. وعلشان كده النهارده قولنا نعمل لكم الأجندة بشكل مختلف شوية، ونركز فيها على حاجة واحدة بس. العرض المسرحي “الفيل الأزرق” على مسرح الجمهورية.
فرقة الرقص المسرحي الحديث المصري، هتقدم بكرة عرض “الفيل الأزرق”. والمأخوذ عن رواية الفيل الأزرق للكاتب أحمد مراد.
الرواية قدمها الفنان كريم عبد العزيز في فيلم بنفس الاسم. وبتدور عن الدكتور يحيى اللي بيقرر يستأنف عمله في مستشفى العباسية للصحة النفسية، بعد حوالي 5 سنوات من العزلة. ولما بيرجع بتكون في انتظاره مفاجأة. إنه بيقابل في القسم الخاص بمرتكبي الجرائم، صديق قديم له. ومعاه ماضي أليم كان بيحاول ينساه. ومن هنا بتتحول حياة دكتور يحيى لجحيم.
“الفيل الأزرق” من إنتاج دار الأوبرا، وحاز على جائزة أحسن استعراضات المهرجان القومي للمسرح. العرض هيكون على مسرح الجمورية أيام 12، 13، 14 يناير، يعني من بكرة لمدة 3 أيام. وسعر التذكرة: 25 – 35 – 50 جنيه. أي تفاصيل تانية تقدروا تعرفوها من هنا.
انبسطوا بالعرض وشوفوا هو أحسن ولا الفيلم.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
