الأقدم في العالم بعد “بيج بن”.. 5 معلومات عن برج ساعة جامعة القاهرة
برج ساعة جامعة القاهرة تاريخ القاهرة تاريخ ساعة جامعة القاهرة ساعة الجامعة ساعة جامعة القاهرة معالم في مصر![الأقدم في العالم بعد “بيج بن”.. 5 معلومات عن برج ساعة جامعة القاهرة](https://assets.cairo360.com/app/uploads/2023/05/11/Cairo_University-_2-875x323.jpg)
Cairo 360
لما بنتكلم عن جامعة القاهرة بييجي في بالنا على طول برج ساعتها الشهيرة، اللي أصبح علامة مميزة من علامات الجامعة العريقة اللي اتخرج منها الملايين. لكن هل سألت نفسك قبل كدة إيه حكاية البرج ده؟ فريق كايرو 360 هياخدك في رحلة للتعرف أكتر على برج ساعة جامعة القاهرة، يلا قبل ما الوقت يفوت!
5 معلومات عن برج ساعة جامعة القاهرة:
1 – برج ساعة جامعة القاهرة ظهر للوجود سنة 1937، وبعتبر ساعة البرج ده هي ثاني أقدم ساعة على مستوى العالم بعد ساعة بيج بن في العاصمة البريطانية لندن.
2 – بيبلغ ارتفاعها حوالي 42 متر، وتضم أربعة ساعات، وخمسة أجراس ميكانيكية.
3 – بتدق ساعة جامعة القاهرة كل ربع ساعة أربع دقات، وكل نصف ساعة 8 دقات وكل 45 دقيقة 12 دقة، أما على رأس الساعة فبيدق أكبر الأجراس أربعة دقات.
4 – بتتصل ساعة جامعة القاهرة بالإذاعة المصرية من وقت إنشائها، وبتدق عليها نشرات الأخبار في جميع الإذاعات الحكومية المصرية.
5 – تعطلت ساعة جامعة القاهرة ثلاثة مرات في سنوات 1976، 1992، و1994، وقامت كلية الهندسة بجامعة القاهرة بعملية إحلال وتجديد الساعة بشكل كامل وأُعيد افتتاحها في أبريل 2018.