اختيارات كايرو 360: أفضل فنادق القاهرة لعام 2021
أفضل الفنادق أفضل القاعات جوائز اختيارات محرري كايرو 360 لعام 2021 فنادق فنادق القاهرة يوم في فندق
Cairo 360
فنادق القاهرة كتيرة ومشهورة. وفضلًا عن كل الخدمات والتسهيلات اللي بتتقدم للنزلاء، فهي بتستضيف أهم الحفلات والفعاليات في القاهرة. وكمان لها دور أساسي وفعال في تنمية السياحة، وقدرت تقاوم فيروس “كورونا” المستجد بكل قوة وتفضل فاتحة أبوابها لجمهورها مع تطبيق إجراءات احترازية، علشان كدة قررنا في جوائز اختيارات محرري كايرو 360 نقول لهم شكرًا بطريقتنا الخاصة، ونختار منهم الأفضل علشان نهديه جائزة أفضل الفنادق لعام 2021:
فور سيزونس نايل بلازا- Four Seasons Nile Plaza
فندق فور سيزونز نايل بلازا من أهم وأفضل الفنادق في القاهرة. وفيه أكبر Spa فى المدينة وأماكن لاونج مختلفة. ومش محتاجين نتكلم عن الرفاهية اللي بتميزه.
فور سيزونس فيرست ريزدنس- Four Seasons First Residence
لما نتكلم عن الرقي والفخامة في الخدمات، المطابقة للمواصفات العالمية. يبقى نقصد فندق فور سيزون فيرست ريزدنس.
فندق ماريوت القاهرة – Cairo Marriott Hotel
فندق ماريوت القاهرة له رونق ورقي تاريخي خاص به.لأنه كان قصر الخديوى إسماعيل في أواخر سنة 1800، وبعدها اتحول لفندق. وده أضاف الرفاهية والحداثة لأصالة التاريخ.
فندق جي دبليو ماريوت – JW Mariott
من أكثر الفنادق اللي بيتم تنظيم الفعاليات والمؤتمرات والأفراح فيها، وفيه ملعب جولف خلاه يتشهر بسرعة. وده طبعًا غير خدمته الممتازة والأجواء الممتعة اللي بيوفرها.
دوسيت ثاني ليك فيو – Dusit Thani Lake View
موقعه متميز في القاهرة الجديدة، وسط الخضرة. وأطباقه وهمية، وبتميزه الفخامة الأسيوية، فندق دوسيت حجز لنفسه مكانة ممتازة بين فنادق القاهرة.
فندق كمبنسكي النيل – Kempinski Nile Hotel
سحر ومميزات الفنادق الصغيرة، مع الأناقة والجودة الأوروبية للفنادق الكبيرة. هي أهم سمات فندق كمبنسكي النيل.
فندق كونراد القاهرة – Conrad Cairo Hotel
مش بس الفخامة والخدمة المميزة. لكن كمان فيو النيل ضمن لفندق كونراد القاهرة مكانة مميزة ومختلفة.
ماريوت مينا هاوس – Marriott Mena House
فندق مينا هاوس بيتميز بإطلالة مباشرة على الأهرامات. ده غير إنه لعب دور مهم في تاريخ مصر، وأقام فيه عدد من الشخصيات العالمية المؤثرة.
سميراميس إنتركونتننتال- InterContinental Semiramis
فندق سميراميس إنتركونتننتال، التابع لمجموعة فنادق إنتركونتيننتال، بيتميز بموقعه على أول الكورنيش، اللي بيسهل لعملائه التنقل في الأماكن المحيطة به.
ريتز كارلتون النيل – The Nile Ritz-Carlton
غير المستوى العالي من الخدمة والرفاهية اللي بيقدمها، فندق ريتز كارلتون النيل بيتميز بوجوده على كورنيش النيل. يعني الفيو الخيالي.
كمبنسكي رويال ماكسيم بالاس – Royal Maxim Palace Kempinski
عالم من الرومانسية والرقي والفخامة الإنجليزية والخدمة الممتازة، كلها مميزات موجودة بس في فندق كمبنسكي رويال ماكسيم بالاس.
هيلتون كايرو هليوبليس – Hilton Cairo Heliopolis:
الفندق خمس نجوم أكيد، وموجود في مكان مميز في حي مصر الجديدة،تحديدًا في شارع العروبة.. بالضبط 10 دقائق بينه وبين مطار القاهرة، ومن أحلى الخدمات اللي بقدمها هي التنوع في المطابخ اللي بيقدمهلا من خلال 12 مطعم وكافيه وبار.
مقترح
معالم وسياحة
اكتشف جمال سبيل وكُتاب السلطان قايتباي: جولة في سحر العمارة المملوكية!
العمارة المملوكية المماليك +8
الحياة في كايرو
