الحياة في كايرو
إحنا قبل الكل عندك: حكاية إعلان في كل شوارع القاهرة
بواسطة
Mohammed Sabry
بقالنا كام يوم بنشوف إعلانات على لافتات كتيرة في الشوارع، وعلى الـ out doors في كل الطرق. كلها مكتوب عليها جمل زي (إحنا قبل الكل عندك – إحنا أكتر حد عارفك). بس مش عارفين إيه حكايتها.
الموضوع وما فيه، إن المصرية للاتصالات هتنزل شبكة محمول جديدة. وده بعد ما حصلت على تراخيص تقديم الخدمة في سبتمبر اللي فات. والشبكة الجديدة هتبدأ بـ (015).
وحسب موقع “التحرير” لسه الشركة بتبحث اتفاقيات الترابط بينها وبين شركات المحمول الثلاثة، الموجودين حاليًا، علشان يتوصلوا لاتفاق يسمح لها بتقديم خدماتها.
يا ترى إيه الجديد اللي هتقدموا شركة المصرية للاتصالات؟ ويا ترى هتكون أحسن من فودافون واتصالات وأورانج؟ أدينا هنستنى ونشوف.
