أكل في العلالي.. مطاعم هتشوفوا منها العاصمة المصرية من فوق
أماكن لرؤية القاهرة القاهرة من فوق روف في القاهرة فيو القاهرة فيو من الروف
Mohamed Talaat
القاهرة مدينة مميزة، هتشوفوها مختلفة لو بصيتوا عليها من زوايا مختلفة، وكل شكل له جماله. لكن القاهرة لما تشوفوها من فوق بتشوفوا جمال حقيقي، وخاصة لو الفيو مفتوح أو في منطقة لها تاريخ ومليانة حضارة، ويا سلام بقى لو الفيو على النيل هتشوفوا العجب، وعلشان كده هنقول لكم على 5 أماكن عالية في العاصمة المصرية هتشوفوا منها القاهرة بأشكال مختلفة.
مولانا
روف مولانا هتشوفوا منه القاهرة الخديوية وجمال مبانيها في قلب ميدان التحرير – المجمع – المتحف المصري – عمر مكرم – فندق ريتز كارلتون” وغيرهم من المباني التاريخية الجميلة، والأسعار عندهم تبدأ من 24 جنيه لمشروب الشاي.
العنوان: ناصية شارع التحرير تقاطع شارع باب اللوق – ميدان التحرير.
روف توب الزمالك
ومن أجمل المناطق اللي تشوفوا منها القاهرة من فوق هي الزمالك، وهناك هتلاقوا روف توب وبيتميز بفيو للنيل ومباني الزمالك العريقة وحتى السماء وقت الغروب هتكون برؤية مختلفة ودي فرصة حلوة علشان تتصوروا.
العنوان: 21 المهدي السويسري بجوار ميدان صدقي داخل فندق النيل – الزمالك.
ذا روف لاونج
مافيش حد مش بيحب منطقة مصر الجديدة “مدينة الشمس” واللي ميحبهاش هيحبها لما يشوفها من ذا روف لاونج لأن الفيو من عندهم هيعيشوا في حقبة زمنية مختلفة وهتستمتعوا بالأكل والشرب كمان، ولكن المكان غير مناسب للأطفال والمحافظين علشان بيقدموا كحول.
العنوان: 11 شارع محمد عبيد – ألماظة – هليوبليس.
سكاي روف
من أعلى قمة في مصر “جبل المقطم” هتشوفوا من خلال سكاي روف توب منطقة “القطامية” بشكل مختلف، وهتقدروا تشوفوا المعادي والمقطم ورغم أنكم تحسوا المكان عادي في الفيو إلا أنكم هتنبسطوا علشان أنتوا مكنتوش واخدين بالكم من تفاصيل كتير وانتوا تحت.
العنوان: نادي القطامية جاردنز – طريق الهضبة الوسطى – المقطم.
صاحب السعادة
أما القاهرة الإسلامية وشارع المعز والحضارة المميزة والمباني العظيمة في تفاصيلها تقدروا تشوفوها من فوق من خلال روف صاحب السعادة اللي عندهم يوميًا حفلات ومشروباتهم مميزة جدًا وكمان أكلهم حلو، وماتنسوش أن الفيو بتاعهم تاريخي جدًا ورغم أن أيعارهم غالية وفيه تكت للحفلات اجباري صبح وليل إلا أنه مكان مميز علشان تشوفوا آثار شارع المعز بشكل مختلف.
العنوان: 121 شارع المعز من شارع الأزهر – الجمالية.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
