The Definitive Guide to Living in the Capital , Cairo , Egypt

ركوب الخيل من الرياضات والألعاب الممتعة اللي بنحب نعملها في أوقات فراغنا، حتى لو لوقت قصير. وده لأن ركوب الخيل فيه هيبة وعظمة بتخلينا نحس إننا في عالم تاني من المتعة. وبما إن أماكن ركوب الخيل مش منتشرة قوي، قررنا نقولكم على 5 أماكن لركوب الخيل في القاهرة، سواء كنتوا عاوزينها كفروسية أو كفسحة.

صهيل

عندهم خدمات كتير بيقدموها، من ضمنها تدريبات ركوب الخيل وكمان تأجيرها كرحلة، وبيعملوا رحلات سفاري بالخيل، والأسعار بتبدأ من 300 جنيه لرحلة مدتها من 60 لحد 90 دقيقة.

العنوان: ترعة المنصورية – مشعل – الهرم.

رقم التليفون: 01008420231

تقدروا تعرفوا أكتر عنهم من خلال صفحة الفيسبوك من هنا.

السمان

من الأماكن اللي بتقدم رحلة متكاملة داخل وخارج المزرعة لتجربة ركوب الخيل. الرحلة بتبدأ بمتخصص يكون معاكم يعرفكم طريقة الركوب، وبعد كده بتطلعوا على الصحراء وسط الطبيعة لحد الأهرامات، مع زيارة الاستراحة والتصوير، وكل ده بسعر 400 جنيه للفرد.

العنوان: طريق المنصورية – نزلة السمان – مشعل – الهرم.

رقم التليفون: 01044156972

تقدروا تعرفوا أكتر عنهم من خلال صفحة الفيسبوك من هنا.

البرعي

بيعملوا تدريبات فروسية من البداية لحد الاحتراف من خلال 5 مستويات مختلفة، وكل مستوى فيه 8 حصص، وبتبدأ الأسعار عندهم من 2400 جنيه.

العنوان: نادي رويال – القاهرة الجديدة

رقم التليفون: 01096208926

تقدروا تعرفوا أكتر عنهم من خلال صفحة الفيسبوك من هنا.

ك ٣ – كاف ٣

رحلاتهم أغلبها في الويك إند، وقبل ما تروحوا لازم تحجزوا علشان تتأكدوا من مواعيد الرحلات. بيعلموكم إزاي تركبوا الخيل وتتعاملوا معاها، وبعدها بتطلعوا رايد في صحراء الأهرامات مع التصوير.

العنوان: طريق المنصورية – مشعل – الجيزة.

تقدروا تعرفوا أكتر عنهم من خلال صفحة الفيسبوك من هنا.

IRide Egypt

موجودين في الهرم وسقارة والفيوم ودهب وبورسعيد. بيقدموا فعاليات مميزة والتنظيم عندهم بروفيشنال. تقدروا تركبوا خيل في رحلاتهم بأسعار تبدأ من 300 جنيه، وده بيشمل التدريب، وأكل الخيل، والجولة، والمسابقة، والتصوير، واستراحة على هضبة عالية بفيو الأهرامات.

العنوان: طريق المنصورية – بجوار الأهرامات – محافظة الجيزة.

رقم التليفون: 01033080029

تقدروا تعرفوا أكتر عنهم من خلال صفحة الفيسبوك من هنا.