The Definitive Guide to Living in the Capital , Cairo , Egypt

مع بدايات الشتاء، لازم نخرج في الجو الجميل المميز ده علشان نغير مودنا، وكمان علشان نفسيتنا تتحسن، ومافيش أحلى من أنكم تعيشوا يوم وكأنكم في الريف المصري الأصيل، بأجوائه الجميلة، وروحه المبهجة، خصوصًا لو كنتم مع أهلكم أو أصحابكم المقربين. علشان كده إحنا في كايرو 360 هنعرفكم على 3 أماكن جميلة ومش بعيدة عن العاصمة، تقدروا تقضوا فيها “داي يوز” مميز.

العزبة

كل الأجواء الريفية هتلاقوها في قرية العزبة، وتقدروا تتمشوا وسط الخضرة الجميلة، وتستخدموا حمام السباحة، وتاكلوا أكل فلاحي زي الفطير المشلتت والعسل والمش على الإفطار، وده غير الغداء الفلاحي المتنوع، وكمان عندهم ركوب خيل وجمال وألعاب أطفال وشو عرائس وأراجوز.

والداي يوز في قرية العزبة بيكون بسعر 225 جنيه للفرد، والأطفال 125 جنيه، وملتزمين تمامًا بكل سبل الوقاية والتعقيم.

العنوان: الجيزة – طريق سقارة – بعد نقطة مرور شبرامنت.

رقم التليفون: 01223444344 – 01010003070

وأعرفوا أكتر عن التفاصيل من خلال صفحة الفيسبوك من هنا.

الريف العربي

المميز في قرية الريف العربي إنه فيها أكوا بارك للكبار والأطفال، وكمان الفطار فلاحي والغداء مشويات وتقدروا تغيروا وتطلبوا حمام أو بط متربيين في خير الريف، وطبعًا حمامات سباحة لكل الأعمار، وكل ده بـ250 جنيه للكبار و100 جنيه للأطفال.

وكمان عندهم ركوب جمال وخيل وسينما 7D وستوديو تصوير بالملابس التاريخية، وألعاب صلصال ورسم حنه بأسعار تبدأ من 10 جنيه.

العنوان: المريوطية – طريق سقارة السياحي – شبرامنت – بعد معهد المدينة.

رقم التليفون: 01211113182

وتقدروا تحجزوا أو تعرفوا كل التفاصيل من خلال صفحة الفيسبوك من هنا.

صدفة باشا

ولو أنتم أسرة أو شلة أصحاب وعاوزين تلعبوا لعبة ألوان مياه، أو تنس أو بلياردوا وكمان كرة قدم وطايرة، يبقى قرية صدفة باشا هي اختياركم، وطبعًا الفطار هيكون فطير مشلتت بلوازمه، والغذاء فراخ وكفته، وكل ده بسعر 200 جنيه للفرد و100 جنيه للأطفال.

العنوان: هرم مريوطية – مدخل شبرا منت – اتجاه سقارة

رقم التليفون: 01284845319

وتقدروا تعرفوا أكتر عن عروضهم من خلال صفحة الفيسبوك من هنا.