The Definitive Guide to Living in the Capital , Cairo , Egypt

حاجة حلوة لما يكون فيه مكان للخروجات وفيه كل الترفيه اللي محتاجينه، وأهم ما فيه “الخضرة والماء”، وطبعًا أنتوا الوجه الحسن، وكمان فيه أنشطة ومطاعم وكافيهات وفيو تصوير مميز ومختلف، وده اللي موجود في the lake district التجمع الخامس واللي موجود جوا كومباوند خاص ولكن مسموح بدخول الجميع له بدون تذاكر، واحنا هنسمي المكان ده “منتجع صحي”، وهنقولكم ليه في السطور اللي جاية اللي هنتعرف منها على المكان وتفاصيله وسبب تسميته.

هنسميه المنتج الصحي لأننا شايفين هو مكان بيشاعد على الهدوء النفسي وترييح الأعصاب وتغيير المود، وجواه هتقدروا  تجروا وتلعبوا وتطلعوا الضغط اللي جواكم، وكمان تقدروا تستفيدوا من الجيم المتكامل عندهم وتلعبوا رياضة، أو حتى تأجروا كياك وتتمشوا في البحيرة، ده غير أن الفيو بتاعم عظيم هيحسن حالتكم النفسية جدًا مهما كانت مرهقة، والأهم من كل ده أنه فيه كيدز ايريا علشان تبعدوا عن زن الأطفال المعتاد، فهما هينبسطوا ويلعبوا ويروحوا آخر اليوم يناموا، وانتوا هتقدروا ترتاحوا شوية من ضغوطهم بالاستجمام أو قراءة كتاب.

المكان عبارة عن مجمع كافيهات ومطاعم مختلفة ومعمول على طراز عالمي، وبيشتغلوا يوميًا من 8 صباحًا حتى 1 صباحًا، وكل مطعم وكافيه بيكون له مواعيده وأطباقه الخاصة اللي تناسب كل الأذواق، بس بداية شغل المطاعم بيكون متأخر وأول أوردر الساعة 10 صباحًا، يعني تقدروا تروحوا تلعبوا رياضة من الساعة 8 وتدخلوا المكان المناسب لكم تفطروا بعدها لما يفتحوا.

والمنتجع الصحي ده هتلقوا جواه أطباق من بلاد مختلفة “بيتزا إيطالي، أكل مكسيسكي، برجر أمريكي، أكل إيطالي، ساندوتشات مصري، أكلات بحرية،  أطباق أمريكية”، ده غير الحلو زي سينابون، والآيس كريم، ومتنسوش أن المكان فيه كيدز ايريا مختلفة وبشكل مودرت.

العنوان: كومباوند Mivida  – التجمع الخامس.

وتقدروا تعرفوا أكتر عنهم من خلال حساب انستجرام من هنا.