The Definitive Guide to Living in the Capital , Cairo , Egypt

الترفيه في القاهرة مالهوش حدود، وكل يوم فيه جديدة، والمغامرة المرة دي مختلفة ومحتاجة قلب جامد “وجيب مليان” لأنكم هتشوفوا القاهرة بشكل مبهج من فوق في رحلة طيران هتلف بكم سماء العاصمة من شرقها لغربها ومن جنوبها لشمالها، وهتستمتعوا بأجمل فيو ممكن تشوفوا به القاهرة، وده من خلال رحلة طيران داخلي هنقول لكم على تفاصيلها خلال السطور الجاية.

Swift jet aviation هي شركة متخصصة في سياحة الطيران وبتقدم خدماتها من مطار ألماظة، ومواعيد الرحلات بتاعتهم من 10 صباحًا حتى 8 مساءً، وبيكون زمن الرحلة 40 دقيقة بتقدروا من خلالها تتعرفوا على القاهرة من فوق، والأكيد أنكم هتستمتعوا بالمناظر الخلابة والأجواء المتميزة.

وخلال الرحلة هتقدروا تشوفوا 12 مكان في القاهرة هتمر عليهم الرحلة على ارتفاع 1000 قدم من سطح الأرض، وهم: “كوبري تحيا مصر – نهر النيل – برج القاهرة- ميدان التحرير – المتحف المصري القديم – المتحف المصري الكبير – الأهرامات وأبو الهول – القلعة – مسجد السيدة عائشة – مسجد السلطان حسن – حديقة الأزهر – ستاد التتش والنادي الأهلي”.

الرحلة فوق سماء القاهرة بتكون من خلال الحجز على الأقل قبلها بـ48 ساعة من خلال رقم الواتس آب أو الموقع الإلكتروني الخاص بهم، ووزن الفرد في الرحلة ميزدش عن 120 كيلو، والرحلة بتكون 3 أفراد كبار أو 2 كبار و2 صغار، وبيكون سعر الرحلة مهما كان العدد 15 ألف جنيه للمصريين، و450 دولار للأجانب.

وتقدروا تعرفوا أكتر عنهم من خلال موقعهم الإلكتروني من هنا.

أو من خلال واتس آب رقم 01099004055.