The Definitive Guide to Living in the Capital , Cairo , Egypt

فكرة السفر في الزمن للماضي مش جديدة، واتقدمت في أكتر من عمل سينمائي. وبالتأكيد صناع Time Freak كانوا عارفين ده. فإيه اللي ممكن يقدموه علشان يكون فيلمهم ناجح؟

الفيلم بيحكي عن الشاب العبقري ستيلمان “آسا باترفيلد”، اللي بيبتكر جهاز للعودة بالزمن. علشان يقدر يكسب ود حبيبته اللي هجرته. ومع كل محاولة فاشلة كان بيعيد التجربة من جديد. لكن السؤال اللي بيطرح نفسه: هل العودة بالزمن قادرة إنها تصلح الأخطاء ولا المكتوب واحد في كل الحالات؟

الأداء التمثيلي لأبطال الفيلم “صوفي ترنر” و”آسا باترفيلد”، كان من الأمور اللي عجبتنا جدًا في الفيلم. كمان عجبنا تحويل الفيلم في جانب منه لما يشبه العاب الفيديو، اللي بيتعلم فيها اللاعب من خلال التجربة والخطأ.

لكن على صعيد آخر الفيلم ماقدمش أي تناول جديد لفكرة السفر في الزمن ذاتها. ونعتقد أن الهدف من الفيلم كان تقديم جرعة متوازنة من الكوميديا والرومانسية. وهو ده اللي نجح الفيلم فيه.

من الجميل كمان في الفيلم الموسيقى التصويرية، واختيار زوايا وأماكن التصوير. بحيث تتحول مشاهد الفيلم لرحلة بصرية ممتعة للمشاهدين.

Time Freak مش أحسن فيلم عن السفر في الزمن. لو شوفته أو لأ، مش هتخسر حاجة.