The Definitive Guide to Living in the Capital , Cairo , Egypt

العلاقة بين الإنسان والحيوان كانت محور أفلام وأعمال فنية كتيرة. صحيح تنفيذ الأفلام دي بيكون فيه صعوبة، من حيث التعامل مع حيوانات. لكن إقبال المشاهدين عليها يستحق التعب والمجهود.

الأسبوع ده ميعادنا مع فيلم، بيتناول النوع ده من العلاقات وهو A Dog’s Way Home. الفيلم بيحكي عن كلبة متعلقة جدًا بمالكها. ولما بتفرق بينهم مسافة كبيرة جدًا، بتقرر الكلبة أنها تقوم برحلة طويلة، علشان توصله من جديد.

قصة النوع ده من الأفلام بتكون متوقعة. معروف أن الكلب هيرجع لصاحبه في النهاية. علشان كده كان تركيز المخرج “تشارلز مارتن سميث”، على فترة الرحلة في الفيلم. وده كان صعب، لأن التحكم في كلب لتنفيذ مشاهد معينة، بيحتاج كتير من الصبر والتدريب.

لكن الإخراج القوي كان هايبقى بلا قيمة، لولا الأداء الصوتي المميز لـ “أشلي جود”، “برايس دالاس هوارد”، “إدوارد جيمس أولموس”، وباقي أبطال الفيلم اللي أدوا أدوار ممتازة.

A Dog’s Way Home فيلم مثالي لمحبي تربية الكلاب، واللي غاويين أفلام عن علاقة الإنسان بالحيوان.