-
إيكو أويستشيلسي إيلان...
-
حركة ومغامرات
-
تيمو تاهانتوكيمو ستامبويل
-
في1 Cinema
Mohamed Hamdy
نادرًا ما بنلاقي نفسنا مضطرين نعطي فيلم أجنبي تقييم نجمة واحدة من خمس نجوم. لأننا بنعتبر النجمة الواحدة دليل على سقوط وفشل الفيلم بشكل ذريع، لكن ده للأسف اللي شوفناه في فيلم Headshot. وده اللي هنستعرضه معاكم في عرضنا للفيلم.
قصة الفيلم
فيلم Headshot بيحكي عن قصة شاب بيظهر على أحد الشواطيء بشكل مفاجئ، وبيكون مصاب إصابة بالغة. وفى المستشفى بيتعرف الشاب على طبيبة جميلة وشاطرة بتحمل على عاتقها مسئولية علاجه من حالة فقدان الذاكرة اللي بيعاني منها.
وفى نفس الوقت اللي بيبدأ (إسماعيل) أو (أشمايل) حسب النطق في الفيلم، في التعافي، بتحاول عصابة دموية وغامضة قتله بأي طريقة ممكنة، حتى لو من خلال استهداف حبيبته وطبيبته.
فريق العمل
الفيلم من إخراج تيمو تياهيانتو ومن بطولة أيكو أويس وزاك لي وتشيلسي إيسلان وصاني بانج.
السيناريو والحوار والإخراج
إخراج الفيلم كان سقطة كبيرة وغلطة أدت بالفيلم كله لحالة من عدم الاتزان وعدم قدرة الممثلين على القيام بأدوارهم بشكل مقنع. وكان من الواضح أن المخرج فاقد للقدرة على التحكم في الممثلين علشان كده خرج الأداء التمثيلي في النهاية ضعيف ومهلهل.
الحوار في الفيلم مبتور وضعيف وغير مؤثر بالمرة. أما السيناريو وطريقة النقل بين المشاهد المختلفة كان سيء جدًا وأضاف للفيلم ضعف فوق ضعفه.
الموسيقى والديكور والتصوير
على الرغم من أن الفيلم بينتمي لمنطقة أفلام الأكشن والمطاردات، إلا أن إخراج مشاهد الحركة كانت ضعيفة وغير مؤثرة، والسبب الرئيسي فيها كان أسلوب التصوير السيء واللي ركز في المقام الأول على إظهار مشاهد العنف والدم ومشاهد الحركة المبالغ فيها على حساب باقي عناصر الفيلم.
وطبعًا لو ده مستوى الفيلم في المجمل فكان لازم ننسى أي تميز للموسيقى التصويرية أو الديكورات، على الرغم من أن الفيلم كان عنده القدرة على عرض كتير من المشاهد الطبيعية سواء في البيئة البحرية أو في بيئة الغابات والأشجار الكثيفة. لكن واضح أن صناع الفيلم كانوا مصممين على الفشل، وفوتوا على نفسهم تقديم أي شيء جيد.
علشان تبقى عارف:
الفيلم أندونيسي الجنسية