The Definitive Guide to Living in the Capital , Cairo , Egypt

السفر من أجمل التجارب اللي ممكن نمر بيها. دايمًا مليان مغامرات ومتعة واكتشافات جديدة. لما بنروح مكان جديد لازم نكون على دراية بكل تفاصيله. وهنا بييجي دور تطبيقات السفر المختلفة اللي بتساعدنا في ده. أما عن مشكلة الإنترنت.. فهنقولكم على تطبيقات تستخدموها وأنتم مسافرين، مش محتاجة إنترنت. حسب ما نشرها موقع “العلوم للعموم”:

1- Google Maps

من أشهر تطبيقات الخرائط المعروفة. بعد إضافة التحديثات الجديدة للتطبيق، بقى ممكن تستخدمه من غير اتصال بالإنترنت. من خلال حفظ مواقع وخرائط مختلفة، واستخدامها بعدين. لكن مش هتقدر تعرف اتجاهات ركوب الدراجات أو المواصلات  العامة.

2- HERE WeGo

على عكس جوجل مابس، تقدر من خلاله تعرف أماكن ركوب الدراجات والمواصلات العامة. وكمان تحميل بيانات وخرائط بلدان كاملة سهل جدًا عليه. بس هتحتاج تكتب عنوان المكان اللي أنت رايحه بالتفصيل، مش مجرد اسم المنطقة.

تحميل التطبيق لأندرويد من هنا. ولـ IOS من هنا.

3- TripIt

التطبيق ده مفيد لتخطيط مسارات السفر والحجوزات، ومسارات الرحلات وتأجير السيارات. مناسب جدًا للي بيسافر كتير وبيحب يحتفظ بمخططات السفر كاملة في مكان واحد.

تحميل التطبيق لأندرويد من هنا. ولـ IOS من هنا.

4- Tripopso

بيجمع معلومات من مواقع مختلفة من الإنترنت، ويعرضها لك في دليل سهل الاستخدام. كل اللي عليك تحمل البيانات الخاصة بوجهتك قبل السفر. هو بيقوم بالباقي. وكمان عليه معلومات أساسية عن عدد من الأماكن حول العالم، وشرح العبارات الشائعة فيها. وتقدر من خلاله تحول عملات.

تحميل التطبيق لأندرويد من هنا. ولـ IOS من هنا.

5- XE Currency Converter

ده بيوفر أسعار العملات بصورة محدثة على طول. تقدر تخزنه وتستخدمه بعدين في أي مكان. وتقدر تضيف عليه العملات اللي هتستخدمها خلال رحلتك.

تحميل التطبيق لأندرويد من هنا. ولـ IOS من هنا.

6- Google Translate

التطبيق الأشهر في عالم الترجمة. بيتيح لك تحميل 50 لغة مختلفة، تستخدمه من غير إنترنت. ممكن تكتب الكلمة اللي محتاج تترجمها، أو تستخدم الكاميرا بتاعت الموبايل في تصوير الكلمة وهتظهرلك الترجمة فورًا.

تحميل التطبيق لأندرويد من هنا. ولـ IOS من هنا.

7- Pocket

علشان تخطط لرحلتك اللي جاية، محتاج تحتفظ بمعلومات كتير عنها. وده اللي بيساعدك فيه التطبيق. تقدر تحفظ عليه كل اللي أنت عايزه عن أي مكان، وكمان يقدر يحفظلك صفحات من الإنترنت، علشان تتطلع عليها في أي وقت.

تحميل التطبيق لأندرويد من هنا. ولـ IOS من هنا.