Cairo 360
ناس كتير بتحب السفر وزيارة أماكن وبلاد مختلفة. لكن مش دايمًا كل المدن بتكون معروفة. والتنقل فيها بيكون صعب، خاصة لو في صعوبة في التعامل بلغة أهل المكان. علشان كده جمعنالكم أهم 5 تطبيقات تساعدكم في السفر، حسب ما نشرها موقع “الوطن”. يلا نتعرف عليهم:
1- Spotted by Locals
ماحدش يعرف المدينة أكتر من سكانها. وده اللي بيقوم عليه التطبيق، إنه بيقدملك الأماكن اللي بيرشحها السكان المحليين، في أكتر من 70 مدينة حول العالم. ومميزاته:
– مش محتاج اتصال بالإنترنت
– تقدر تضيف مواقع خاصة، زي فندقك.
– حفظ الأماكن المفضلة وعرضها على الخريطة.
– تقديم نصائح مجانية وجديدة بانتظام.
متاح لأندرويد من هنا. وIOS من هنا.
2- Musement
التطبيق ده بيغطي الأحياء، المعالم السياحية، المطاعم، الحفلات الموسيقية في حوالي 350 مكان حول العالم. ومحتوى محلي متخصص في 29 مدينة كبرى في العالم. ومميزاته:
– قوائم قصيرة بأفضل الأماكن، اللي بيرشحها السكان المحليين.
– إنشاء مسارات خاصة بك.
– تقديم خصوامت حصرية لبعض الأماكن السياحية.
– قسم مخصص للمساعدة في إدارة حجوزاتك.
– خدمة عملاء 24 ساعة، بالاتصال الهاتفي أو الشات.
متاح لأندرويد من هنا. وIOS من هنا.
3- Mapify
تقدر من خلاله تخطط لأجازتك الجاية، وتلاقي كل المعلومات اللي انت محتاجها خلال تنقلك. وبيديك ترشيحات حسب تفضيلاتك. ومميزاته:
– خاصية Bucket List لحفظ الأماكن المفضلة، للوصول لها في أي وقت.
– مشاركة المواقع اللي اكتشفتها مع الأصدقاء والعيلة.
متاح لأندرويد من هنا. وIOS من هنا.
4- Nearify
بيتيح لك اكتشاف كل الحفلات والأحداث الفنية اللي بتهتم بها، في 18 فئة بتضم 20 مليون حدث حول العالم. وكمان تقدر تعرف كل الإيفنتس اللي هتحصل خلال الأسبوع، وفي الأجازات الرسمية. ومميزاته:
– تقدر تدعي أصحابك لأحداثك المفضلة.
– تحديد الاتجاهات في مكان الحدث أو الحفلة.
– متابعة فنانيك المفضلين وحفلاتهم.
متاح لأندرويد من هنا. وIOS من هنا.
5- RunGo
من خلاله بتعرف أفضل الطرق في العالم، من خلال التنقل الصوتي. بيرشدك خطوة خطوة، ويعرفك بالمعالم اللي بتقابلها. ومميزاته:
– خاصية RunGo live اللي بتسمح لأهلك وأصدقائك تتبعك لحظيًا.
– بيبعتلك إشعارات ول خرجت عن مسارك.
– تصفح أماكن مختلفة من خلال مكتبة بتضم 100 ألف مسار حول العالم.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
