من القاهرة لإسطنبول: دليلك للجوهرة بين القارتين
Ahmed El Mezeny
عاصمة الثقافة الأوروبية لسنة 2010 ٬ إسطنبول فركة كعب
من القاهرة٬ واقرب حتة تهرب لها من دوشة وزحمة القاهرة.
إزاي تروح
الخطوط التركية٬ ومصر للطيران بـ يوفروا أكتر من رحلة في
الأسبوع بمتوسط 2000 جنيه رايح راجع. إسطنبول ليها كمان نفس توقيت مصر٬ فانت لا هـ
تحتاج تغير ساعتك ولا هـ تحس بالتغيير المزعج في مواعيد نومك وأكلك٬ اللي بـ يحصل
مع الرحلات الطويلة.
المواصلات
أول ما تنزل إسطنبول ممكن تشتري كارت الـ TL10 ٬ الكارت ده بـ يتشحن
وبـ تدفع بيه في كل وسائل المواصلات العامة من الأتوبيس للترام للتيلفريك٬ وكمان العبارات.
لو هـ تروح حتة في الجزء الآسيوي من إسطنبول يبقى هـ تاخد عبارة وتاكسي٬ وده لأن
الترام والتيلفريك شغالين في وسط البلد أكتر من الأماكن التانية.
تروح فين وتعمل إيه
إسطنبول ماخدتش لقبها كعاصمة أوروبا الثقافية على مفيش٬
المدينة فيها عدد هائل من الأماكن الثقافية والتاريخية.
المكان اللي ماينفعش تروح تركيا وماتشوفهوش هو «آيا
صوفيا»: كنيسة عملاقة اتحولت لمسجد وبعد كده اتحولت مزار سياحي (لا تقام فيها صلاة
خالص يعني). المبنى الضخم فيه بهو عملاق٬ وقبة جميلة٬ بنجف كبير جداً وبواقي
موزاييك اتغطت لما المبنى اتحول مسجد.
ولازم كمان تشوف مزارات دينية مهمة زي المسجد الأزرق
ومسجد السليمانية والـ«بازيليكا سيسترن – Basiclica
Cistern » (الكاتدرائية الغارقة). المساجد دخولها مجاني بس في أماكن زي «آيا
صوفيا» وقصر «تو پ
كا پ ي – Top Kapi » اللي كان مقر السلطنة العثمانية٬
دخولهم بـ15 يورو.
ومن الحاجات اللي لازم تـ تعمل في إسطنبول هي انك تاخد
مركب للبوسفورس. العبارة بـ تاخدك من الناحية الأوروبية للناحية الآسيوية من البلد
وبـ تديك فرصة تشوف أهم الأماكن في إسطنبول وانت رايح في الطريق.
التسوق
لو
عاوز تجيب مقتنيات سياحية بـ تميز
إسطنبول٬ زي السجاد والصيني التركي٬ هـ تلاقي كل اللي انت عاوزه في الـ«جراند
بازار – Grand Bazaar » والـ«س پ ايس ماركت – Spice Market » أو سوق البهارات٬
ودول هـ تلاقي فيهم أكشاك مليانة حاجات حلوة قوي٬ بس من غير ما نقول لازم طبعاً
تِفَاصل. ولو عاوز تشتري حاجات شيك وماركات عالمية روح لشارع «إستقلال» ومنه
لميدان «تقسيم» اللي متفرع منه شارع «عثمان بيه» و«نيشان تاشيه»٬ ودول فيهم
المحلات الراقية.
الأكل
اللحمة٬
الجبنة٬ المحاشي…كل اللي هـ ييجي في بالك٬ الأتراك بـ يعملوه حلو قوي. أغلب
اللحم اللي بـ يستخدموه في أكلهم ضاني٬ وطعمه أحلى كتير من أي حاجة دقتها هنا في
مصر. جرب حاجة اسمها «دونر» وده عامل زي الشوارمة وهايل من أي حتة في الشارع٬ أو جرب سندوتش
«باليك اكميك» ودي معناها عيش سمك٬ والسندوتش ده عبارة عن سمك ماكريل فيليه مشوي متبل وعليه خضرة ليمون.
الكفتة في تركيا لا تقارن بالكفتة في أي حتة في
العالم٬ لأنهم بـ يطحنوا بهارات ومكسرات في اللحمة اللي طعمها أصلاً حلو قوي٬
والنتيجة بـ تكون «كباب فيستكلي» وده في الحقيقة كفتة بـ فستق أو فلف ل مش كباب. مطعم «حمدي»
اللي جنب محطة «امينو» من الأماكن اللي ممكن تجرب فيها أطعم كفتة هـ تاكلها في
حياتك. ده غير المنظر الرائع من المطعم لإسطنبول والبوسفورس.
ولو عاوز درس تاريخ
وعشا راقي «جورميه» في نفس القعدة٬ روح «آسيتان»٬ هو يمكن مالهوش شعبية سياحية٬ لكن
أكيد يستاهل. المطعم بـ يعمل وصفات عثمانية بـ ترجع لسنة 1453. المنيو بتاعه موسمي
وبـ يستخدم مكونات طازة 100%٬ وبما انه الأطباق اللي بـ يقدمها بـ تعتمد على
الموسم بـ ننصحك تروح في الربيع وتجرب ورق العنب بالكرز أو في الشتا وتجرب شوربة
اللوز.
هـ تسهر فين
في أماكن للسهر كتير
في ميدان «تقسيم»٬ لكن خلي بالك في كم مكان في شارع «إستقلال» يبانوا حلوين لكن من
جوة أي كلام وهـ تلاقي نفسك دفعت كتير جداً على الفاضي. من الشوارع اللي ممكن
تنبسط فيها٬ شارع «اسماليميسكت» وده متفرع من شارع «إستقلال» وفيه أماكن كتير في شوارع ساحرة فيها
مطاعم بـ تقدم اكل محلي وعالمي. المنطقة دي جميلة وجوها تحسه تركي أصلي وكمان
المباني اللي فيها رائعة الجمال.
ولو عاوز تروح حتة من
الحتت بتاعة المشاهير٬ روح الـ«جولدن مايل – Golden Mile »
حوالين «أورتاكوي – Ortakoy »
وجرب «رينا – Reina » أو «سوپركلوب – Supperclub ». وبعد سهرتك ممكن تروح على واحد من أكشاك الـ«وافلز – Waffles »
واللي بـ يقدموا فيها «وافلز» عليها إضافات من عالم تاني أو بطاطس مخبوزة متقشرة
وبـ يتحط عليها اللي انت عاوزة وبتـ تقدم وهي جوة قشرتها تاني بأعجوبة!
تروح امتى
إسطنبول تـ تزار في أي وقت
في السنة٬ بس ممكن تحاول تظبط رحلتك في أواخر الصيف٬ عشان السما تبقى صافية٬ أو في
آخر الخريف عشان الجو يبقى حلو.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
