The Definitive Guide to Living in the Capital , Cairo , Egypt

الحضارة الفرعونية القديمة هي الأقدم على الإطلاق في العالم، وفيها إبهار وإبداع لا يمكن وصفه بالكلمات، وترتب على ده أن مصر بقت عمرانة بالمتاحف والمعابد والأماكن الأثرية القديمة، ولكن فيه أماكن بتبقى دايمًا مهمة في قلوبنا أكتر من أماكن تانية، وخاصة في القاهرة اللي أهلها  بيحبوا يزوروا كل حاجة تاريخية وحديثة وعندهم هوس بالمعرفة وأنهم يعرفوا تفاصيل التفاصيل، وعلشان كده النهاردة هنرشحلكم 3 أماكن أثرية تستحق الزيارة خلال الويك إند هتستمتعوا بيها.

زوسر

هرم زوسر أو كما بيطلق عليه الهرم المدرج موجود في منطقة سقارة وله قاعدة طولها 130 متر وعرض 110 متر، وبيتكون من 6 درجات بطول 60 متر، وبين كل درجة والتانية مترين، ومبني من الهرم الجيري الهش، ومعروف عنه أنه فيه كتير من الدهاليز والغرف وبيتميز بحوائط ودهليز واحد مخزرفة بالأزرق والأخضر وكمان فيه 3 أبواب وهمية عليها نقوش للملك زوسر، ده غير مصطبتين لبنات الملك زوسر.

متحف الحضارة

أجدد متحف يفتتح في القاهرة، وافتتاحه كان عظيم بموكب ملكي العالم كله اتفرج عليه، وهو فريد من نوعه والأول على مستوى الشرق الأوسط، لأنه بيجمع بين الحضارات المختلفة في مكان واحد، وهو مبنى على مساحة 33.5 فدان، المتحف بيهدف لمراحل تطور الحضارة المصرية وانجازات للإنسان المصري منذ فجر التاريخ، وبيحتوي على مخطوطات وصور ولوحات وتحف وآثار من العصر الفرعوني والحجري والقبطي والعربي واليوناني والروماني والعصر الحديث، وهو بيقع في منطقة الفسطاط على بحيرة عين الصيرة.

المتحف فيه قاعة رئيسية كمعرض دائم للحضارات المصرية، و6 معارض بتغطي التاريخ الحضاري “النيل- الكتابة- الدولة والمجتمع- الثقافة- المعتقدات والأفكار ومعرض المومياوات الملكية” وهي الأشهر بينهم، ده غير ان فيه مركز تعليمي وترميم وآثار وصبغ.

دهشور

منطقة دهشور هي المنطقة الجنوبية لجبانة ممفيس، وفيها مجموعة هرمية وآثار، وهي كانت جبانة من الأسرة الرابعة، وفيها هرمين للملك سنفرو، “المنحني والأحمر”، والهرم الأحمر ده هو أول هرم كامل في مصر يتم بناءه، وكمان فيه أهرامات لملوك الأسرة الثانية “أمنمحات الثاني والثالث وسنوسرت الثالث”.