مخيم المعجنة: خليج رائع بنويبع!
Tanya El Kashef
المعيشة في
القاهرة دائماً بـ تخللي الواحد عايز يهرب ويبحث عن الهدوء. في مدينة بـ تفضل
صاحية من شروق الشمس لغروبها، فيه كمان اختيارات كثيرة لأماكن الواحد يقضي فيها
الأجازات ويلاقي جو جميل يساعده على الاستمرار.
على الطريق
ما بين نويبع وطابا، بعد 7 كيلو من تقاطع طريق نويبع، هـ تلاقي «مخيم المعجنة». المخيم
اتعمل في التسعينيات، ومكانه على خليج مُحاط بجمال لون الجبال القرمزي.
مقارنةً
بمخيمات ثانية كثيرة في المنطقة، الحاجة الملحوظة جداً في «المعجنة» هي مساحته
الواسعة. الكوخ الأساسي موجود في وسط المخيم، وباقي الأرضيات متفرقة على بُعد
مساحة معقولة من البحر على اليمين والجبال على الشمال.
المخيم بـ
يقدم 3 أنواع من الإقامات: شاليهات مكونة من طابق واحد، أكواخ على الشاطىء، وخشات.
شاليهات الطابق الواحد بـ 200 جنيه في الليلة لفردين، وهي أحسن الإختيارات الثلاث المتوفرة.
الشاليهات المبنية على مستويات من الجبال، بـ يبقى فيهم سراير، إضاءة لطيفة
وتفاصيل غريبة (زي أرفف ثابتة للتخزين). الواجهة بتاعت الشاليهات لها منصات خشبية
عشان تستلى وتسترخى عليها وانت مستمتع بالمنظر الساحر للخليج.
أكواخ
الشاطىء والخشات موجودين على الناحية الأخرى من المخيم وبـ تطل على الجبال.
الأكواخ بـ 150 جنيه في الليلة لفردين، وبرضه فيها سراير وبـ توصلها كهرباء، لكن
هم مش على المياه مباشرةً، شكلهم ضيق ومش جذابين قد الشاليهات. الخشات (50 جنيه
للفرد) مماثلين لشكل الأكواخ العام لكنها مبنية ببساطة أكثر (الأكواخ لها أساس
حجري، لكن الخشات معمولة على الرمل على طول) ومفيهاش سراير ولا كهرباء.
الخشات (رغم
أنها الأرخص) كانت لطيفة. مباشرةً على المياه، ومعمولة بأسقف عالية وفيها شبابيك،
ومش محدودة جداً زي الأغلب اللي الواحد بـ يلاقيها. ماكانش فيه مفروشات كثيرة،
بمعنى مخدات للقعاد عليها أو مراتب للنوم عليها.
رغم أن
موضوع الكهرباء ممكن يبقى مالوش لزمة في مخيم، المخيم بـ يستخدم الطاقة الشمسية
لإحتياجاته. فيه هناك 6 ألواح شمسية محطوطين فوق الكوخ الرئيسي وبـ يغذوا 2 مولدين
كهرباء بـ يشتغلوا خلال الليل وفي بعض الأوقات خلال النهار.
رغم أن الشاطىء
رماله مش ناعمة، لكنه برضه سهل العوم فيه، وبامتداد الشعب المرجانية، المخيم يعتبر
منطقة معروفة للغطس (متوفر هناك مركز للكورسات وتأجير المعدات). أنابيب التنفس
السطحي كمان قابلة للتأجير للي عايزين طريقة أبسط للغطس.
المنيو في «المعجنة»
هو العادي بتاع سيناء. الإفطار (مشمول في الإقامة) عبارة عن بيض، فول وطعمية،
ومعاهم جبنة بيضاء وسلطة. اختيارات الغذاء والعشاء عبارة عن اختيارات من السلاطات،
البيتزا والمكرونة (من 20 – 40 جنيه) واختيارات الأسماك، اللحوم، أو الفراخ بأسعار
في حدود 50 – 70 جنيه. الخدمة عادةً بطيئة، يعني الواحد المفروض يبقى مستعد أنه
يستنى على الأقل ساعة عشان ينزل له الأكل.
في رحلة زي
دي، من الأفضل أنك تجيب معاك وجبات خفيفة ومأكولات سريعة سهلة التخزين. والثلاجة
المحمولة برضه ممكن تبقى مفيدة، لأن نادراً لمّا بـ يبقى متوفر عندهم ثلج في
المخيمات دي.
يمكن يكون
بسبب موقعهم ماكانش فيه بعوض أو ذباب هناك، أو على الأقل في الوقت ده من السنة. لكن
كان فيه حمار تبع المخيم كُنا بـ نسمع صوته من أوقات متفرقة، بالنهر وبالليل.
كله على
بعضه، مخيم «المعجنة» بـ يقدم إقامة ممتعة ونرشحه بشدة للي عايزين يقضوا وقت بـ
يسترخوا، يقرأوا، أو بس يستمتعوا بصحبة حلوة.
لمزيد نم المعلومات عن المخيم، اتصلوا بمحمود: +201116375712، أو زوروا موقعهم www.maaganacamp.com أو صفحتهم على الفيس بوك.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
