متحف الشرطة القومي.. تاريخ الشرطة المصرية على مر العصور
قلعة صلاح الدين متاحف القاهرة متاحف عسكرية متاحف عن تاريخ الإطفاء في مصر متاحف عن تاريخ الشرطة متاحف قلعة صلاح الدين الأيوبي متحف الشرطة القومي
Cairo 360
داخل قلعة صلاح الدين الأيوبي بقلب القاهرة التاريخية، هتلاقوا متحف الشرطة القومي، اللي بيحكي تاريخ ونضال رجال الشرطة المصرية على مر العصور.. تعالوا نتعرف أكثر على المتحف وتفاصيله.
متحف الشرطة القومي هو واحد من متاحف قلعة صلاح الدين الأيوبي بالقاهرة، وموجود بالجزء الشمالي من القلعة، وبيستعرض جهود الشرطة المصرية ونضالها المتواصل على مر التاريخ.
بيضم المتحف مجموعة من القاعات، كل قاعة منهم بتعرض لنا تاريخ حقبة معينة من تاريخ الشرطة المصرية، على سبيل المثال، فيه قاعة بتعرض تاريخ الشرطة في مصر القديمة، وقاعة ثانية بتعرض تاريخ الشرطة المصرية في العصر الإسلامي، وقاعة ثالثة بتعرض أدوات رجال الإطفاء في مصر على مر العصور.
في متحف الشرطة القومي، هتقدروا تتعرفوا على تاريخ أهم المعارك والاغتيالات السياسية والجرائم الاجتماعية في العصر الحديث، وهتشوفوا نماذج تطور الأسلحة والملابس الخاصة برجال الشرطة في مصر.
كمان هتشوفوا نماذج مختلفة من عربات الإطفاء اللي استخدمتها الشرطة خلال القرنين الـ18 والـ19م.
في المتحف هتقدروا ترجعوا بالتاريخ لأهم المعارك اللي خاضها رجال الشرطة المصرية من خلال التجول بين النماذج المجسمة اللي بتمثل كفاح الشرطة المصرية ضد الاستعمار في معركة 25 يناير 1952م بالإسماعيلية.
بيرتكز المبنى على برج السباع اللي عثر عليه أثناء إنشاء المتحف، وسبب تسمية البرج بالاسم ده هو وجود نقوش بارزة لعدد من السباع في حالة قتال على الإطار العلوي للبرج، والمرجح إن البرج بيرجح نسبته إلى الظاهر بيبرس، وهو البرج الوحيد الباقي من أبراج القلعة المملوكية لحد النهارده.
مواعيد الزيارة
من 9ص إلى 5م.
