ما تروحش تبيع المايه في سبيل أم عباس!
أسبلة القاهرة ايه هو السبيل تاريخ سبيل أم عباس سبيل أم عباس سبيل تاريخي في القاهرة
Cairo 360
الصور: من ويكيبيديا
القاهرة فيها عدد كبير من الأسبلة التاريخية، والسبيل (الجمع: أَسْبِلَة، سُبُل) هو وقف لسقي الماء مجانًا للناس البسيطة اللي بتمر من أمامه. والقاهرة فيها عدد كبير من الأسبلة التاريخية المصممة بفن وهندسة عالية. ومن أجمل الأسبلة في القاهرة، سبيل أم عباس. في السطور الجاية هنعرفكم أكثر على السبيل وحكايته التاريخية.
سبيل أم عباس (1284هـ/1867م) بالقاهرة أنشأته لسيدة “بنبه قادن” وهي أم عباس باشا وزوجة الأمير أحمد طوسون باشا. بيقع السبيل عند تقاطع شارع الركبية وشارع السيوفية مع شارع الصليبة أمام حمام الأمير شيخو بالقاهرة.
تم تخطيط حجرة السبيل على شكل مثمّن الأضلاع، والتخطيط ده من الأمثلة النادرة بالقاهرة، وبيغطيها قبة مثمّنة الأضلاع، والواجهة مكسوة بالرخام وزخارفها من طراز الباروك والركوكو.
خصص سبيل أم عباس لتوزيع مياه الشرب النقية على المارة بهدف الثواب، وده لأن المسلمين مؤمنين أن سقي الماء هو واحد من أفضل أعمال الخير اللي ممكن الإنسان يقوم بيها.
لكن المياه مش هي الشيء الوحيد اللي تم عمل السبيل علشانه، المكان ملحق به كمان كتّاب كان بيشتغل فيه معلمين لتعليم الأطفال العلوم الحديثة، زي ما كان موجود في المدارس الحكومية في عهد الخديو إسماعيل.
والسبيل كان بيوفر مياه الشرب للمارة وكمان للبيوت اللي ماكنش أصحابها قادرين على تحمل أجور السقايين في الزمن ده.
عاوز تشوف السبيل عن قرب؟ هتروح عند تقاطع شارع الركبية وشارع السيوفية مع شارع الصليبة في القاهرة القديمة، وهتلاقي السبيل هناك أمام حمام الأمير شيخو.
