لو كنت طالب.. 5 أماكن تاريخية في القاهرة تقدر تزورها بـ5 جنيه بس
أماكن تاريخية أماكن تاريخية في القاهرة أماكن للطلاب تخفيضات للطلاب متاحف القاهرة متاحف رخيصة
Cairo 360
رنا شرف
القاهرة مليانة أماكن تاريخية جميلة وتستحق الزيارة، ولو كنت طالب فيه 5 أماكن تاريخية مميزة تقدر تزورها بتذكرة سعرها 5 جنيه بس. تعالوا نبدأ متعة الاكتشاف ونلف القاهرة.
متحف نجيب محفوظ أو “تكية أبو الدهب”
موجود في قلب القاهرة الفاطمية، وتحديدًا في الساحة المواجهة للجامع الازهر. المتحف موجود في مبنى تكية محمد بك أبو الدهب وهو مبنى أثري مكون من طابقين وبيعود تاريخه إلى سنة 1774م. تم اختياره بسبب قربه من البيت اللي وُلد فيه “محفوظ” بحي الجمالية.
مسلة سنوسرت الأول بالمطرية
مسلة الملك سنوسرت الأول أحد ملوك الأسرة 12 واللي كانت مقامة أمام المعبد اللي بناه الملك لعبادة الإله رع، وهي منحوتة من الجرانيت الوردي من محاجر أسوان، وبيبلغ إرتفاعها 20.40 متر، ووزنها 121 طن. المسلة موجودة في متحف المطرية.
قصر الأمير محمد علي بالمنيل
قصر الأمير محمد علي بالمنيل هو واحد من قصور العهد الملكي في مصر، بيتميز بطابع معماري مدهش. بدأ بناء القصر سنة 1901، وموجود بجزيرة منيل الروضة بالقاهرة على مساحة 61711 متر مربع منها 5000 متر بتمثل مساحة المباني.
متحف جاير آندرسون
بيت الكريتلية اللي أصبح حاليًا متحف جاير أندرسون. بيتكون المتحف من بيتين هما بيت محمد بن الحاج سالم وبيت السيدة آمنة بنت سالم وتم الربط بينهم بممر، المبنيين من الآثار الإسلامية النادرة والثمينة وبتنتمي إلى العصر المملوكي والعثماني.
بيت السحيمي
بيت السحيمي أو بيت الشيخ عبد الوهاب الطبلاوي هو بيت عربي بيتميز بمعمار شرقي فريد من نوعه. موجود في حارة الدرب الأصفر المتفرعة من شارع المعز لدين الله الفاطمي بحي الجمالية في قلب مدينة القاهرة. بيتكون البيت من قسمين.
