كل اللي محتاج تعرفه عن مطار سفنكس الدولي… أحدث مطارات القاهرة
أكتوبر أهرامات الجيزة المتحف المصري مشاريع في الجيزة مطار سفنكس مطارات القاهرة
Cairo 360
محافظة الجيزة أصبحت أجمل بعد افتتاح مطار سفنكس الدولي بمدينة السادس من أكتوبر، واللي موجود بالقرب من منطقة أهرامات الجيزة، وكمان من المتحف المصري الكبير اللي هيتم افتتاحه قريب.
المطار اللي بيقع على بُعد 12 كيلومتر من منطقة الأهرامات، بدأ مؤخرًا تشغيله التجريبي من خلال أول رحلاته الداخلية المنتظمة من إجمالي 30 رحلة هتسيرها شركة مصر للطيران للخطوط الداخلية والإقليمية “إكسبرس”.
وبيهدف المطار المصري الجديد لتخفيف الضغط على مطار القاهرة واستقبال رحلات الشارتر وخدمة سياحة اليوم الواحد، وبيقع غرب القاهرة وبيتكون من صالة رئيسية وبرج للمراقبة و42 مبنى خدمي.
بتبلغ المساحة الإجمالية للمباني 25 ألف و500 متر مربع، وبيتكون من صالة للسفر وأخرى للوصول وصالة لكبار الزوار ومكاتب إدارية للجوازات ومنطقة جمارك وأمن موانئ.
بيحتوي مطار سفنكس كمان على 4 محطات كهرباء فرعية، وقامت الشركة الاستشارية المصرية بإنشائه وتنفيذه بإشراف القوات المسلحة المصرية.
بيستوعب المطار 300 مسافر في الساعة، وبلغت تكلفة إنشائه 300 مليون جنيه (16.8 مليون دولار).
وعلشان المطار بيقع بالقرب من المتحف الجديد ومنطقة الأهرامات فده هيخلي له تأثير كبير على الحركة السياحية.
المطار بيخدم مدن 6 أكتوبر والشيخ زايد، بالإضافة إلى 6 محافظات أخرى منها الفيوم وبني سويف والمنيا.
مقترح
مطاعم
3 أماكن في القاهرة بتعمل أحلى شاورما لبناني
احلى شاورما لبناني في القاهرة شاورما +3
معالم وسياحة
