The Definitive Guide to Living in the Capital , Cairo , Egypt

الصورة الرئيسية: ياسر محمود

الصورة الداخلية: Ahmed Assem

 

التمشية في شوارع القاهرة من أجمل الحاجات اللي بتغسل الروح من مشقة الحياة، وخاصة أن القاهرة مليانة فن معماري بيخلينا نتأمله ونقع في غرامه، ومن أهم الفنون اللي بتتميز بيها القاهرة هي العمارة الإسلامية واللي هتلاقوها في أماكن كتير، ولكن الأقرب لكل المصريين للتمتع بجمال العمارة الإسلامية هو شارع المعز لدين الله الفاطمي “قلب القاهرة النابض”، واللي فيه ما يقرب من 22 مبنى أثري وتاريخي، واللي افتتح رسميًا يوم 22 فبراير من عام 2008، والأيام دي هي ذكرى افتتاحه.

لو حبيتوا تزوروا الشارع لازم يكون معاكم خريطة الزيارات اللي هنعرفكم عليها في السطور الجاية.

 

شارع المعز لدين الله الفاطمي، واللي كان معروف بإسم قصبة القاهرة والشارع الأعظم، عمره أكثر من 1000 سنة، وحاليًا هو متحف مفتوح للآثار والعمارة الإسلامية، وهو قلب القاهرة النابض ووجهة المصريين للاستمتاع بالغن المعماري، منذ بناءه في عهد المعز لدين الله بو تميم المنصور، أول الخلفاء الفاطميين في مصر، ويعتبر أكبر متحف إسلامي مفتوح في القاهرة وبيمتد من باب زويلة حتى باب الفتوح وبيتفرع منه شوارع “أمير الجيوش – بين القصرين – الصاغة – الأشرفية – الشوايين – المناخلية – المنجدين – السكرية – العقادين”.

شارع المعز فيه أجمل إبداعات فن العمارة الإسلامية، وفيه آثار مميزة سواء دينية أو اجتماعية أو حربية وتعليمية، ومن أهم معالمه “بوابة الفتوح – سور البلد – مسجد الحاكم بأمر الله – زاوية أبو الخير الكليبانى – مسجد السلحدار – جامع الأقمر – حارة الدرب الأصفر – سبيل وكتاب عبد الرحمن كتخدا – قصر الأمير بشتاك – مدرسة ومسجد السلطان الكامل – حمام أنيال – سبيل محمد على بالنحاسين – مسجد السلطان برفوق – مسجد الناصر محمد – قبة ومدرسة قلاوون – بقايا مدرسة الظاهر بيبرس – بقايا مدرسة الصالح نجم الدين – سبيل وكتاب خسرو باشا – مسجد وسبيل علي المطهر – مسجد الإشراف برسباى – قاعة محب الدين – مقعد ماماى السيفي – بوابة القاضي”.

عام 1979 تم إدراج شارع المعز لدين الله الفاطمي ضمن مواقع التراث العالمي نظرًا لأهميته التاريخية وما يحتويه من آثار وفنون معمارية إسلامية، وتم تطويره وترميمه في 2008 بالتعاون مع هيئة اليونسكو بتكلفة 23 مليون جنيه.