غرامة 10 آلاف جنيه لكل اللي هيضايق السياح في الأماكن الأثرية
سياحة غرامة قانون حماية الآثار مجلس الشعب
Omar Abd-elmaqsoud
لما سائح يقرر يزور بلد أجنبية، أكيد بيكون قراره ده ناتج عن صورة جميلة ومبهجة ومبدعة رسمها في خياله وكونها في باله من المعلومات اللي جمعاها أو زيارات سابقة لأصحابه أو معارفه للبلد دي وحكاويهم عليها، وبالتالي بياخد قرار إنه يعيش التجربة دي بنفسه.
أما بالنسبة للبلد اللي بتستقبل السائح ده، فهي بتعمل كل حاجه علشان توفر كافة وسائل الراحة للسائح وتمكنه من الاستمتاع بزيارته، وتحافظ على صورتها اللي رسمها السائح في خياله، وكانت السبب إنه يجي ويزورها، وبتحاول إنها تزود فرص تكرار الزيارة دي مرة واتنين وتلاته.
ومن المبدأ ده، وأخيرًا ووفقًا لقانون حماية الآثار، وافق مجلس النواب خلال الفصل التشريعى الحالى، على قانون رقم 91 لسنة 2019، بفرض عقوبات مالية على كل من يقوم بالتعرض للسائحين والزائرين أثناء وجودهم في المواقع الأثرية، أو المتاحف، والتعرض ده ممكن يكون بإلحاح بقصد التسول، أو الترويح أو العرض أو البيع لسلعة أو خدمة سواء للشخص نفسه أو حتى لو كان سمسار لصالح مكان تاني أو شركة تانية أو شخص تاني.
العقوبات بتبدأ بغرامة ماتقلش عن 3 آلاف جنيه، وما تزيدش عن 10 آلاف جنيه، وده بهدف حماية الآثار المصرية في المقام الأول، والحفاظ على صورة مصر الحضرية والراقية اللي بيرسمها السائح دايمًا في باله وهو جاي يزورها أو وهوه ماشي منها وهينقلها لغيره.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
